کۆبونەوەی ساڵانەی کۆمیتەی نێونەتەوەیی بۆ مافەکانی ژنان/ سەنتەری نینا

14

ڕۆژی ٢ی مارس کۆبونەوەی ساڵانەی سەنتەری نینا بە بەشداری دەستەی باڵا و دەستەی بەڕێوەبەر و هەندێک لە ئەندامان و ڕاوێژکارانی سەنتەر بەڕێوەچو.

سەرەتا بەرپرسی ڕێکخراو سۆزان ئەمین و بەرپرسی سەنتەر هەڵاڵە ڕافع بە بەخێرهاتنی ئامادەبووان کۆبونەوەکەیان کردەوە و بە خولەکێک ڕاوەستان بۆ یادی ٥٠ ژنە یەزدی کەلەلایەن داعیشەوە سەربڕدراون کۆبونەوە کە دەستی پێکرد.

پاشان بەڕێوەبەرانی کۆبونەوەکە دیاریکران ( چیمەن محەمەد بۆمبا، فایەق سەعید، چنور سدیق).

ماتریاڵ و ڕاپۆرتەکانی سەنتەر خرانە بەردەستی ئامادەبوان بۆ گفتوگۆ و بڕیاردان لەسەریان کە بریتی بون لە :

– راپۆرتی ساڵی ٢٠١٨ ی کارو چالاکیەکان 
– ڕاپۆرتی ماڵی ٢٠١٨
– ئاماری کەیسەکانی سەنتەری نینا لە ساڵی ٢٠١٨ کە ژمارەیان ١١٣ کەیسە.
– هەڵبژرادنی بەرپرسی تازەی سەنتەر (نازەنین ساڵح) دەستەی باڵای سەنتەر کە پێک هاتوە لە ٨ کەس.
– گفتوگۆ سەبارەت بە پلان و پرۆژەکانی ٢٠١٩

لە کۆتاییدا ئێوارەکە بە خۆشیەوە بە چالاکی کولتوری و موزیک بەڕێکرا.

سوپاس بۆ ئامادەبووان و بەشداری چالاکانەیان

سەنتەری نینا

print