Arabic English
سه‌ره‌کی| ده‌رباره‌ی ڕێکخراو| سه‌نته‌ری نینا| ستاف| په‌یوه‌ندی| وێنه‌


بیروڕاو دیدار
avatar

ئیسلامی توندڕەو یان سیاسه‌ت و پەلەقاژێی ده‌سه‌ڵات!

به‌پێی کارو کرده‌وه‌کانی گروپه‌ ئیسلامیه‌کان له‌ ماوه‌ی چه‌ند ساڵی ڕابوردو، وه‌ به‌ تایبه‌ت له‌م ماوا...
avatar

هه‌موومان به‌رپرسیارین، هه‌نگاوێک بۆ پێشه‌‌وه‌!

به‌ده‌ر له‌وه‌ی که‌ ‌ مه‌سه‌له‌ی ژن وه‌ک پرسێکی سیاسی ده‌بێت له‌ کۆنسێپتی تایبه‌تی خۆیدا به‌ڕۆشنی با...
avatar

8 ی مارس! ‌ هه‌ندێک له‌ خاڵه‌ لاوازه‌کانی بزوتنه‌وه‌کانی ژنان له‌ سه‌ر ئاستی جیهان و ناوچه‌یی

- هه‌ژمونی ده‌سه‌ڵاتی ڕاستڕه‌و.
- به‌هێز بوونی ڕاسیزم و لیبرالیزم و ئیسلامی سیاسی له‌سه‌ره‌نجامی بێهێزی...
ئایا پێت وایه‌ که‌ ده‌بێت دین له‌ ده‌وڵه‌ت و یاسا جیا بکرێته‌وه؟
بەڵێ
نەخێر
بۆم گرینگ نیە
Contact RSS Facebook Youtube

چه‌ند سه‌رنجێکی کورت سه‌باره‌ت به‌ پرسی ژن له‌ ئێستای کوردستاندا


5 Jun 2012
سۆزان ئه‌مین
له‌ شاری سلێمانی ۱۹٦۱ له‌دایکبووه‌ ، له‌شاری بغداد گه‌وره‌بووه‌ وهه‌ر له‌وێش ئاماده‌یی ته‌واو کردوه‌. هه‌ر له‌سه‌رده‌می هه‌رزه‌کارییه‌وه‌ چاویکراوه‌ته‌وه‌ به‌ ناسینی کێشه‌کانی ژنان وبێمافییان له‌ناو خێزان وکۆمه‌ڵگادا له‌رێگای خۆیندنه‌وه‌ی کتێبی که‌سایه‌تیه‌ فێمێنیست سۆسیالیسته‌کان له‌ جیهانی عه‌ره‌ب وئه‌وروپا و جیهاندا. وه‌ک سه‌ره‌تایه‌ک به‌ کتێبه‌کانی نه‌واڵ سه‌عداوی ده‌ستی پێکرد و ئه‌و وه‌ک یه‌که‌م هه‌نگاو ده‌بینی بۆ قوڵبوونه‌وه‌ی به‌ناو پرسی ژندا.
سۆزان ئه‌مین له‌ساڵی ۱۹۸۱ ـ ۱۹۹۱ ئه‌ندامی حزبی شیوعی عیراق بووه‌ وله ‌ساڵی ۱۹۸٤ ـ ۱۹۸۹ پێشمه‌رگه‌ بووه‌.
له‌ماوه‌ی ژیانی سیاسیدا زیاتر ئاشنا بووه‌ به‌ کێشه‌ی ژنان وگرنگی یه‌کسانی ژن وپیاو وه‌ک پێویستیه‌کی کۆمه‌ڵایه‌تی که‌ جیا ناکرێته‌وه‌ له‌پرسه‌ گرنگه‌کانی تر بۆ به‌دیهێنانی کۆمه‌ڵگایه‌کی ئازاد وئاسوده‌ وپێشکه‌وتوو.
له‌ئێستادا ئه‌ندامی ده‌سته‌ی به‌ریوه‌به‌ری سه‌نته‌ری نینایه‌ بۆ داکۆکی لەمافەکانی ژنان له‌سوید.

یه‌كه‌م: وه‌ك ده‌زانین كوشتنی ژنانی كورد له‌ ئه‌وروپا بۆته‌ دیارده‌یه‌كی دزێو. به‌ بڕوای تۆ كوشتنی ژنانی كورد له‌ ئه‌وروپا بۆچی ده‌گه‌ڕێته‌وه‌؟
کوشتنی ژنان به‌بیانوی پاراستنی شه‌ره‌ف دیارده‌یه‌کی کۆنه‌ له‌ کلتوری کوردیدا به‌س ئه‌م دیارده‌یه‌ په‌ره‌ی سه‌ند له‌دوای ساڵی ۱۹۹۱ , کوشتار و تیرۆری ژنان له‌ کوردستان زۆر بووه‌ و بووه‌ته‌ دیارده‌یه‌کی ڕۆژانه. ئه‌م دیارده‌یه‌ له‌گه‌ڵ هاتنه‌ سه‌رکاری ده‌سه‌ڵاتی بزوتنه‌وه‌ی "کوردایه‌تی" زیاتر په‌ره‌یسه‌ند. مۆرڤ ده‌توانێ بڵێ؛ یه‌که‌م ده‌ستکه‌وتیان بۆ خه‌ڵکی کوردستان کوشتار و تیرۆری ژنان بوو.
له ئه‌وروپاش له‌ ۱۹۹۰ کان به‌ دواوه‌ ده‌ستی پێ کردوه‌. واته‌ دوای ئه‌وه‌ی که‌ خه‌ڵکێکی زۆر ڕویان کرده‌ ئه‌وروپا بۆ په‌نابه‌رێتی دوای ڕاپه‌ڕین. ئه‌و دیارده‌یه‌ پێشتر نه‌بوو له‌ ناو په‌نابه‌رانی کورددا ژن بکوژرێت به‌م ئاسته‌ زۆره‌ی دوای نه‌وه‌ده‌کان چ له‌ کوردستان و چ له‌ ده‌ره‌وه‌ی وڵات له‌ ناو په‌نابه‌رانی کورددا. ئه‌وه‌ی به‌دی ده‌کرێ ئه‌وه‌یه‌ که‌ ئه‌م دیارده‌یه‌ ‌ له‌م بيست سالی ڕابردووه‌وه‌ زۆرتر بووه.

دووه‌م: به‌ به‌راوورد به‌ سالاَنی رابردوو. ئایا رێژه‌ی كوشتنی ژنانی كورد له‌ ئه‌وروپا له‌ په‌ره‌سه‌ندندایه‌ یان به‌ پێچه‌وانه‌وه‌؟. ئایا تا ئێستا هیچ ئامارێك هه‌یه‌ له‌سه‌ر رێژه‌ی كوشتن و تیرۆری ژنی كورد له‌ ئه‌وروپا؟
به‌ داخه‌وه ‌ڕێژه‌ی کوشتاری ژنان به‌ بیانوی پاراستنی شه‌ره‌ف له‌ ناو کورددا له‌ ئه‌وروپا له‌ زیاد بوندایه ئه‌مه‌ش ده‌کرێت بڵێین په‌یوه‌ندی ڕاسته‌خۆی به‌ دۆخی کوشتاری ژنانه‌وه‌ هه‌یه‌ له‌ باشوری کوردستان. ئه‌و خێزانه‌ کوردانه‌ی و پیاوانه‌شی که‌ له‌ دوای ڕاپه‌ڕینه‌وه‌ هاتونه‌ته‌ ئه‌وروپا به‌ هه‌مان مێنتالیتی و باوه‌ڕبوون به‌ شه‌ره‌ف و پاراستنی شه‌ره‌فه‌وه‌ هاتونه‌ته‌ ده‌ره‌وه‌. هه‌ر بۆیه‌ش پێیان ته‌حه‌مول ناکرێ مێینه‌ی ناو خێزانه‌کانیان ئاستێک له‌ ئازادی و مافی فه‌ردیان هه‌بێت.
‌به‌ داخه‌وه‌ ئامارێک که‌ ژماره‌ی ژنانی کورد که‌ به‌ به‌هانه‌ی شه‌ره‌ف کوژراون تا ئێستا له‌ به‌رده‌ستتا نی یه‌. بێ گومان ئامار هه‌یه‌ به‌س ئه‌وه‌ هه‌ر تایبه‌ت نیه‌ به‌کوشتنی ژنی کورد ، به‌ڵام ئامارێک که‌ ژماره‌ی هه‌موو ئه‌و ژنه‌ کوردانه‌ی که‌ کوژراون تا ئێستا به‌رچاوو نه‌که‌وتوه‌.
سێیه‌م: خێزانی كورد له‌ ئه‌وروپا چه‌ندین گیروگرفتی هه‌یه‌، گرنگترینیان سه‌پاندنی كولتووری خێڵ و ئاینییه‌ به‌سه‌ر نه‌وه‌كانیاندا. به‌ بڕوای ئێوه‌ بۆچی تاكی كورد ناتوانێت له‌گه‌ڵ كولتووری ئه‌وروپا ئینسجام بكات؟. پێتوایه‌ هۆكاری پابه‌ندی خێزانی كورد له‌ ئه‌وروپا به‌ نه‌ریتی خێڵه‌وه‌ بۆچی ده‌گه‌ڕێته‌وه‌؟
من پێم وایه‌ کلتوری خیڵ وئاین هه‌رله‌سه‌ره‌تاوه‌ له‌سه‌ر بنه‌مای سه‌پاندنی ده‌سه‌ڵات دروست بووه‌ وهه‌موو ئامڕازێکی توندوتیژی به‌کار ده‌هێنێت بۆ سه‌قامگیرکردن وسه‌پاندنی ئه‌و ده‌سه‌ڵاته‌ ، له‌به‌ر ئه‌وه‌ ئه‌وکه‌سانه‌ی به‌وکلتوره‌ گۆشکراوون پێیان قبوڵ ناکرێت که‌ مێینه‌ی خێزانه‌که‌یان وه‌ک تاکێکی ئه‌وروپی ئازاد بێت وله‌ژێر ده‌سه‌ڵاتی ئه‌وان ده‌رچێت .
به‌داخه‌وه‌ که‌م ته‌رخه‌میه‌کی زۆر هه‌یه‌ بۆ گۆڕینی ئه‌و فه‌رهنگ ومێناڵیتیه‌ که‌ هه‌ندێکی ده‌که‌ۆێته‌ سه‌ر ئه‌ستۆی تاکه‌کان خۆیان ئه‌ویش به‌تێکه‌ڵبوونیان ‌وقبوڵکردنی فه‌رهه‌نگی مودێرنی ئه‌وروپا وبه‌شێکیشی ده‌که‌وێته‌ سه‌ر ئه‌ستۆی ئه‌و دام وده‌زگا ده‌وڵه‌تیه‌ تایبه‌تمه‌ندانه‌ که‌ به‌هاوکاری له‌گه‌ڵ ڕێکخراوه‌ کانی کۆمه‌ڵگای مه‌ده‌نی له‌ده‌ره‌وه‌ وله‌ناوه‌وه‌ی کوردستان ئیش بکه‌ن بۆ گۆڕینی ئه‌م مه‌نتاڵیتیه‌ ، به‌ڵام کێشه‌که‌ لێره‌دا ئه‌وه‌یه‌ که‌ هه‌تا ئێستا کولتووری خێڵ وئاین ده‌ستباڵایه‌ له‌ کوردساندا له‌به‌ر ئه‌وه‌ پرۆسه‌ی پێشکه‌وتن له‌ ئاستێکی زۆرنزمدایه‌.

پێنجه‌م: گرنگیی دروستكردنی هۆشیاریی سێكسیی لای تاكی كورد، چۆن ده‌بینیت؟. پێتوانییه‌ راگه‌یاندنی كوردیی هێشتا شه‌رم له‌ ورووژاندنی بواری سێكس ده‌كاته‌وه‌؟
پرسی سیکس وه‌ک زۆر شتی تر پێویستی به‌خۆێندنه‌وه‌یکی مه‌نهه‌جی وسه‌رده‌می‌ هه‌یه‌ که‌ هه‌تا ئێستا نه‌ له‌ سیستمی په‌روه‌رده‌یا نیه‌ و له‌ میدیاکانيشدا بایه‌خی ته‌واوی پێنه‌دراوه‌ ۰ پرسی ژیانی سێکسواڵتی په‌رده‌پۆشکراوه‌ وسانسۆری خراوه‌ته‌ سه‌ر به‌ بیانوی شه‌رم وحه‌یا، له‌لایه‌كی تریشه‌وه‌ پیاوانی ئاینی به‌ فه‌لسه‌فه ‌و بۆچوونه‌ کۆنه‌په‌رستانه‌که‌ی خۆیان به‌م ڕۆژگاره ‌ به‌شێوه‌یه‌کی زۆر نازانستیانه‌ ونامرۆڤانه‌ حه‌ڵال وحه‌رمی ئه‌که‌ن، له‌به‌ر ئه‌وه‌ ئه‌و پرسه‌ له‌کوردستاندا له‌قه‌یرانێکی گه‌و‌ره‌دایه‌.
هه‌تا ئێستا سیکس له‌ ئه‌نجامی خۆشه‌ویستی که‌ حاڵه‌تێکی سروشتیه به‌ به‌دڕه‌وشتی وتاوان ناوده‌برێت وسزاکه‌ی کوشتنه.‌ هۆمۆسێکسوێڵه‌کان له‌ کوردستاندا هه‌تا ئێمڕۆ تاوانبار وڕیسوا ده‌کرێن. زۆر شتی تریش که‌لێره‌دا بوار نیه‌ ئاماژه‌ به‌هه‌مووی بدرێت
من پێم وایه‌ به‌رز کردنه‌وه‌ی هوشیاری سیکسی تاکی کورد کارێکی هه‌نووکه‌ییه‌ بۆ ئه‌وه‌ی تێگه‌شتنه‌ هه‌ڵه‌کانی تر ڕه‌تبکاته‌وه‌ که‌ له‌ڕێگای داب ونه‌ریته کۆمه‌ڵایه‌تی وفه‌تواچێکانی ئاین داسه‌پێنراوه‌ به‌سه‌ر ئه‌قلی نه‌وه‌کانمانا به‌درێژایی مێژوو.
ئیترکاتی ئه‌وه‌ هاتووه‌ که‌ هه‌موو ئه‌و هێڵه سوورانه‌ ببه‌زێنرێت وپه‌ڕده‌ داماڵڕێت له‌سه‌ر باسى ژیانی سێکسواڵتی مرۆڤ به‌جۆره‌ جیاوازه‌كانی وبخرێته‌ به‌ر باس ولێکۆڵینه‌ویه‌کی زانستی وه‌ک ئه‌وه‌ی که‌ ڕۆژانه‌ ڕوو ئه‌دات له‌ ووڵاته‌ ئازاده‌کانی دنیا.

شه‌شه‌م: هۆشیاریی سێكسیی لای تاكی كورد چۆن هه‌ڵده‌سه‌نگێنیت؟. رایه‌ك هه‌یه‌ پێیوایه‌ هۆشیاریی سێكسیی لای پیاوی كورد سفره‌ و لای ئافره‌تیش بڤه‌یه‌ و سڵه‌مینه‌وه‌ی زۆری له‌سه‌ره‌، تۆ له‌ مباره‌وه‌ چی ده‌ڵێت؟
تاکی کورد ئاستی زانستی نزمه‌ له‌سه‌ر ژیانی سێکسواڵیتی زۆر جار ناهوشیاره‌ ‌به‌خودی ژیانی سێکسواڵیتی خۆشی هه‌ندێکی به‌هۆێ نه‌بوونی ئازادی تاک وبه‌حوکمی داب ونه‌ریتی کۆمه‌ڵگا تاقیکردنه‌وه‌ی سێکسی که‌مه‌ , زۆربه‌ی پڕۆسه‌ی هاوسه‌رگیری له‌ڕێگه‌ی ڕێکه‌وتنه‌وه‌ ئه‌نجام ده‌درێت زیاتر له‌وه‌ی له‌ ئه‌نجامی خوشه‌ویستى بێت هه‌تا ئه‌گه‌ر خۆشه‌ویستیش هه‌بێت له‌به‌ینی نێر ومێدا ئه‌وا په‌یوه‌ندی سیکس دوای هاوسه‌رگیری رووئه‌دات به‌مه‌ش مه‌رجێکی زۆر گرنگ بۆ گونجان له‌نێوان ئه‌و دووکه‌سه‌دا فه‌رامۆش ده‌کرێت له‌م پڕۆسه‌یدا .
تاکه‌ که‌ناڵێک که‌ زۆربه‌ی پیاوی کورد شاره‌زایی سێکسی لێ په‌یدائه‌کات فیلمی پۆڕه‌ ، ئه‌و جۆره‌ فیلمانه‌ش نه‌ک هه‌ر بابه‌تێکی تیجاری‌ وناته‌ندروسته‌ به‌ڵکو دووره‌ له‌ به‌ها ئینسانیه‌کانیشه‌وه‌. ژن تیایدا ئامڕازێکی ئیستیهلاکیه‌ بۆ تێرکردنی ئاره‌زۆکانی پیاوه‌ ، خۆشه‌ویستی له‌و فیلمانه‌یا هه‌ر بوونی نیه‌ به‌مه‌ش فه‌لسه‌فه‌ وتێگه‌یشتنی سیکس ئه‌وه‌نده‌ی تر ده‌شێۆێنرێت به‌جۆرێک که‌لای پیاو ده‌بێته‌ تێرکردنی ئاره‌زو ولای ژنیش ده‌بێته‌ کارێکی قێزوه‌ند ئه‌مه‌ جگه‌ له‌وه‌ی که‌ کچ‌ له‌ مناڵیه‌وه‌ له دایکی ونه‌نکیه‌وه‌ هه‌ر ئه‌وه‌ی بیستوه‌ له‌‌سه‌رسێکس که‌ کرده‌ویه‌کی بێ ڕه‌وشتی وقێزوه‌نه‌ له‌به‌ر ئه‌وه‌ زۆر زه‌حمه‌ته‌ وه‌ختێک هاوسه‌رگیری ئه‌کات به‌ ووته‌ی مه‌لایه‌ک یان حاکمێک ئه‌م تێگه‌یشتن وتێڕوانینه‌ سه‌رانسه‌ر بگۆڕێت ، بێ گومان ئه‌و ‌قسانه‌ که‌ پێى گۆشکراوه‌ له‌ مناڵیه‌وه‌ هه‌رئه‌مێنێته‌وه‌ له‌ ناخیا.

حه‌وته‌م: هه‌ست ناكه‌یت پیاوی كورد ته‌نیا وه‌ك ئامڕازێكی سێكسیی سه‌یری ئافره‌ت ده‌كات؟. هه‌رواش پێتوانییه‌ ئافره‌تی كورد هه‌میشه‌ حه‌زه‌ر له‌ پیاو ده‌كات و وه‌ك په‌لامارده‌ر لێی ده‌ڕوانێت؟
بۆ ئه‌وه‌ی به‌ وژدانه‌وه‌ قسه‌ بکه‌ین ناکرێت بڵێین هه‌موو پیاوێکی کورد، به‌ڵام زۆرینه‌ی نه‌ک ته‌نيا ژن وه‌ک ئامڕازێکی سێکس سه‌یر ئه‌کات به‌ڵکو فه‌رهه‌نگێکی نزم وناته‌ندروستىشي هه‌یه‌ له‌ سیکسکردندا ڵه‌گه‌ڵ ژنه‌که‌یدا۰ ڕێژه‌یه‌کی که‌م له‌پیاوان ـ هه‌موو کاتێک ـ ئاره‌زوی ژنه‌کانیان بۆ پرسیاره‌ زۆربه‌یان ئاره‌زو وخواسته‌ سێکسێکانی ژنه‌کانیان پشتگوێ ئه‌خه‌ن، خۆ ئه‌گه‌ر پیاو په‌لاماری ژنه‌که‌ی نه‌دات ئه‌وا فشارێکی ده‌روونی زۆری ئه‌خاته‌ سه‌ر له‌ چه‌شنی زۆرلێکردن، تووڕه‌بوون هه‌ندى جار هه‌ڕه‌شه‌ کردنيش بۆ ئه‌وی بگات به‌مه‌ر‌امی خۆی‌ ڵه‌و ‌حاڵه‌تانه‌شدا ژن ته‌سلێم ئه‌بێت، و بۆئه‌وه‌ی له‌شه‌ڕ یان له‌وفشاره‌ ده‌روونیه‌کان‌ ڕزگاری بێت وه‌کو جه‌سته‌یکی بی هه‌ست مل ئه‌دات بۆ ئاره‌زۆکانی پیاوه‌که‌ی ئه‌مه‌ش حاڵه‌تێکی نه‌فسی زۆر ناخۆشی لا درست ئه‌کات یه‌کێک له‌وانه‌ ئه‌وه‌یه‌ پیاو وه‌ک په‌لامه‌رده‌رئه‌بینێت و ‌خۆشی هه‌ستی ته‌جاوز پێکراوی لا دروست ئه‌بێت.
پیاوی کورد له‌ کوردستان وهه‌تا هه‌ندێک له‌وانه‌ی که‌ له‌ ووڵاتانی ئۆروپاش ئه‌ژین هه‌وڵ ئه‌ده‌ن بۆ دروستکردنی په‌یه‌وندی سیکسی له‌گه‌ڵ هه‌ر ئافره‌تێک لێیان هه‌ڵکه‌وێت. ئه‌گه‌ر ته‌ماشای تێگه‌یشتنی پیاوی کورد بکه‌ین شانازیه‌ که‌ سیکسی ڵه‌گه‌ڵ گه‌ره‌ترین ژماره‌ ئافره‌تا کردبێت له‌به‌ر ئه‌وه‌ پیاو ئه‌و متمانه‌یه‌ی لای ژن له‌ده‌ست داوه‌ و له‌چاوی ژندا ڕاوچیه‌که ده‌بێت حه‌زه‌ری لێ بکرێت.

هه‌شته‌م: تا هه‌نووكه‌ ئافره‌تی كورد رووبه‌ڕووی ته‌نگ پێهه‌ڵچنینی سێكسیی ده‌بێته‌وه‌. بۆچوونێك هه‌یه‌ پێیوایه‌ ئه‌مه‌ بۆ لاوازیی كه‌سێتی ئافره‌تی كورد ده‌گه‌ڕێته‌وه‌. تۆ له‌ مباره‌وه‌ چ را و سه‌رنجێكت هه‌یه‌؟
من پێم وایه‌ ته‌نگ پێهه‌ڵچنینی سێكسیی په‌یوه‌ندیه‌کی زۆری نیه‌‌ به‌ كه‌سێتی ژنه‌وه‌ ۰ ته‌نگ پێهه‌ڵچنینی سیکسی بۆ سه‌ر ژن سه‌رچاوه‌که‌ی ده‌گه‌رێته‌وه‌ حه‌زی پیاو بۆ باڵاده‌ستبوونی و ده‌سه‌ڵاتی به‌سه‌ر ژن دا. هه‌روه‌ها ژنی کوردیش زۆر به‌ڕاشکاۆێوه‌ ئڵێم بۆ چه‌ندین نه‌وه‌ بێ ده‌سه‌ڵات کراوه و له‌په‌راۆێز خراوه‌ وهێز وتوانای نیه‌ هیچ گۆڕانکاریه‌کی کاریگه‌ر دروست بکات.
به‌بڕوای من که‌سێتی ژنى كورد ئه‌گه‌ر به‌هێزبێت هه‌ڕه‌شه‌یه‌که‌ له‌ ده‌سه‌ڵاتی پیاو له‌ ئاینده‌یه‌کی دوورا. به‌ڵام له‌ ئێمڕۆدا ‌ته‌نیا شێوه‌یه‌ک و رێگایه‌ک نیه‌ بۆ گۆڕینی دنیایه‌ک که ‌له‌دێر زه‌مانه‌وه ‌پیاو تیایا گۆشکراوه‌ به‌وه‌ی که‌ ژن "زه‌عیفه‌یه" وده‌سه‌ڵاتی به‌سه‌ریا ئه‌شکێت . له‌به‌ر ئه‌وه‌ ئه‌گه‌ری ده‌ستدرێژی سیکسی زیاتره‌ له‌سه‌ر ژنان له‌لایه‌ن پیاوی بێ موڕاڵه‌وه‌.
ژنان بۆ ئه‌وه‌ى گۆڕانکاری ڕیشه‌یی بکه‌ن پێویستیان به‌بزوتنه‌وه‌یکی فێمێنیستی ڕادیکال هه‌یه‌، ئه‌م بزوتنه‌وه‌یه‌ش له‌ژێر سایه‌ی ده‌سه‌ڵاتی خێڵ و پیاوانی ئاین زۆر کاریگه‌ر نابێت ئه‌گه‌ر به‌ته‌نیا بێته‌ مه‌یدان، واته‌ ئه‌م بزووتنه‌وه‌یه‌ وه‌ختێک ده‌سکه‌وت به‌ده‌ست دێنێت که‌ بزوتنه‌وه‌یه‌کی مه‌ده‌نی وسیکولارهه‌بیت له‌ گۆمه‌ڵگایا.
هێشتا به‌مه‌ش یه‌کسانی ته‌اوو به‌دی نایه‌ت و ژن ڕزگاری نابێت له‌ ده‌ستدرێژی سیکسی پیاو. هه‌تا ئێستا له‌ووڵاتێکی وه‌ک سویدا ڵه‌گه‌ڵ بوونی ئه‌و هه‌موو یاساو و ڕێسایانه‌ی که‌ پیشتیوانی له‌ ژنان ده‌کات ـ گومان نیه‌ له‌وه‌ی قۆناغێکی باشیان بڕیوه‌ له‌ پڕۆسه‌ی ئازادی و یه‌کسانی نێر ومێ ـ به‌ڵام هێشتا ژنان له‌و ووڵاته‌یا ڕووبه‌ڕوی فشار وده‌ستدرێژی سێکسی ده‌بن و په‌ڵامار ئه‌درێن، ڕۆژ نیه‌ هه‌واڵی په‌لاماردانێكی سێکسی بۆ سه‌رژنێک نه‌خوێنینه‌وه‌ له‌ڕۆژنامه‌کاندا، که‌واته‌ لێره‌دا پێویست به‌ په‌روه‌رده‌یه‌کی ئینسانی هه‌یه‌ که‌ هێشتا بوونی نیه‌ له‌ کۆمه‌ڵگای سه‌رمایه‌داریدا، له‌سایه‌ی ئه‌و سیسته‌مه‌یا هێشتا ژنان به‌ بوونه‌وه‌ری زه‌عیفتر وکه‌متر له‌ پیاو و ده‌ژمێردرێن و‌له‌بازاڕی کاردا کرێی که‌متریان پێ ده‌درێت له‌ پیاوان له‌ پێشه‌ی هاوچه‌شندا. ژنان هه‌تا ئێمڕۆ ناڕازین له‌به‌ر‌ زیادبوونی ڕێژه‌ی په‌لاماردانی سێکسی بۆسه‌ریان ، خه‌بات ئه‌که‌ن بۆ مووچه‌ی به‌رابه‌ر له‌گه‌ڵ هاوکاره‌ پیاوه‌کانيانا.
بۆیه‌ هه‌ر له‌به‌ر ئه‌مه‌شه‌ له‌ کوردستان و زۆربه‌ی وڵاتانی جیهانیش پێویستیمان به‌ بوونی زه‌مینه‌ه‌کی باش وه‌بزووتنه‌وه‌یه‌کی ‌فێمێنیستی چالاکه‌ که‌ ده‌بێته‌ بناغه‌یه‌ک بۆ گۆڕانکاریه‌کی سه‌ره‌تایی که‌ پڕۆسه‌ی ئازادی ویه‌کسانی ژنان له‌م وڵاتانه‌دا قۆناغێک ده‌باته‌ پێشه‌وه‌.

تێبینی: ئه‌م چاوپێکه‌وتنه‌ له‌لایه‌ن گۆڤاری شه‌پۆله‌وه‌ کراوه‌

بگه‌ڕێوه‌ | بینێره‌ | چاپ | (1997) جار بینراوه‌

My Yahoo | Twitter| Facebook
nasih|9 Aug 2012 - 10:48
be tenya rekxrawekan natwanin kareki ewto biken ke karigeryeki bashiyan hebet leser karubari jinan,bellku sistem u yasa detwanet eme bashtr u ptewtr rek bixat,bizutnewey jinanish zor kemterxemin beramber be hawshewekani xoyan,.
hawkar|20 Jun 2012 - 15:50
dasxosh zozaxan zor jwana har sarkawtwbit

بۆچوون بنێره‌





بابه‌ت و کەیسی سەنتەر
avatar

ئاماری حاڵه‌ته‌کانی کێشه‌ی کۆمه‌ڵایه‌تی و توندووتیژی که‌ روویانکردوه‌ته‌ سه‌نته‌ری نینا له‌ ساڵی 2016!

ئه‌رشیفی ئاماره‌کانی بەشی ڕاوێژکاری و ڕێنوێنی کێشە کۆمەڵایەتیەکان لە سەنتەری نینا 124 حاله‌تی له‌ ساڵی 2016 د...
avatar

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا‌

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا

ئاماره‌کان ده‌توانن په‌یامێکمان ده‌رباره‌...
avatar

ئاماری ساڵی 2014 ی ئه‌و که‌یسانه‌که‌ ڕویان له‌ سه‌نته‌ری نینا کردووه‌!

ئه‌و که‌یسانه‌ی‌ ڕویانکردووه‌ته‌ سه‌نته‌ری نینا و تۆمارکراون ‌ 113 که‌یسی جۆراوجۆر‌ له‌ ته‌مه‌نی 18- 65 ...
avatar

هێندە ترسی لەباوکی هەیە نەیتوانیوەبپرسێت بۆچی دایکی کوشتووە

قوربانیه‌كانی‌ كوشتن به‌ناوی‌ شه‌ره‌فپارێزییه‌وه‌ هه‌ر ئه‌وانه‌ نین كه‌ گیان له‌ده‌ستده‌ده‌ن، به...
ikkr.org © 2017 | Start| Designed by www.helanet.se