Arabic English
سه‌ره‌کی| ده‌رباره‌ی ڕێکخراو| سه‌نته‌ری نینا| ستاف| په‌یوه‌ندی| وێنه‌


بیروڕاو دیدار
avatar

ئیسلامی توندڕەو یان سیاسه‌ت و پەلەقاژێی ده‌سه‌ڵات!

به‌پێی کارو کرده‌وه‌کانی گروپه‌ ئیسلامیه‌کان له‌ ماوه‌ی چه‌ند ساڵی ڕابوردو، وه‌ به‌ تایبه‌ت له‌م ماوا...
avatar

هه‌موومان به‌رپرسیارین، هه‌نگاوێک بۆ پێشه‌‌وه‌!

به‌ده‌ر له‌وه‌ی که‌ ‌ مه‌سه‌له‌ی ژن وه‌ک پرسێکی سیاسی ده‌بێت له‌ کۆنسێپتی تایبه‌تی خۆیدا به‌ڕۆشنی با...
avatar

8 ی مارس! ‌ هه‌ندێک له‌ خاڵه‌ لاوازه‌کانی بزوتنه‌وه‌کانی ژنان له‌ سه‌ر ئاستی جیهان و ناوچه‌یی

- هه‌ژمونی ده‌سه‌ڵاتی ڕاستڕه‌و.
- به‌هێز بوونی ڕاسیزم و لیبرالیزم و ئیسلامی سیاسی له‌سه‌ره‌نجامی بێهێزی...
ئایا پێت وایه‌ که‌ ده‌بێت دین له‌ ده‌وڵه‌ت و یاسا جیا بکرێته‌وه؟
بەڵێ
نەخێر
بۆم گرینگ نیە
Contact RSS Facebook Youtube

دەبوایە" حیزبی چەپی سوید هاوکێشەکەی پێچەوانە بکردایەتەوە،


2 May 2016
"دەبوایە" حیزبی چەپی سوید هاوکێشەکەی پێچەوانە بکردایەتەوە، لە جیاتی وەستانەوەی بەڕوی ئامینەی کاکە باوەدا و هەوڵدان بۆ ڕێگاگرتن لە خۆکاندید کردنەوەی بۆ خولی داهاتوو،

لەبەرامبەر ئیسلامیە توندڕەوەکان و کولتورڕیلاتیڤیزمدا بهاتایەتە گۆ!
یەکەم هەنگاو ئەوەیە کە ئینسان بین، پاشان دەکرێت سیاسی یان چالاکی بواری کۆمەڵایەتی بین،

ئەگەر نا مێژووی خەباتمان پڕاو پڕ دەبێت لە سازش و دووڕوی و کۆنسیرڤاتیزم، کە سەرەنجامەکەی توندڕەوی و ڕاسیزم و فاشیزم بەدوای خۆیدا دێنێ. بۆیە دەکرێت سیاسەت مەدارەکانیش وەک مرۆڤ بکەونە هەڵەوە،

بەڵام ئەمە کاتێک مەترسیدارە کە دانی پیا نەنێن و داوای لێبوردن نەکەن ، بەڵام ئامینە بە دڵفراوانی و ڕاشکاوانە داوای لێبوردنی کرد، کە گەر دانانی لینکی فیلمێک بەهەڵە لە
فەیس بوکەکەی بوبێته‌ مایه‌ی نیگه‌رانی و بریندارکردنی که‌سانێکی دیاریکراو.

(لینکی فیلمێک کە ڕێکخراوی گەنجانی ڕاسیستەکان سەرلێشێواوانە دایانناوە، کە فیلمەکە لە تێڕوانینێکی ڕاسیستیانە سەبارەت بە ئیسلام دەدوێت).

ئامینە وەک ئەندامی پەرلەمانی حیزبی چەپ، ژنێکی کۆڵنەدەرو هەڵسوڕاو بووە، هەمیشە بە شێوەی خۆی لە هەوڵی دروستکردنی پردی نێوان پەرلەمان و کۆمەڵگەیەک بووە کە دەنگیان پێ داون. پردێک کە هەموو ڕەنگەکان بگرێتەوە لە ژنان و هەموو کەمایەتیەکان تا دەنگیان لە شوێنی بڕیاردا بیستراو بێت.

ئەم هەڵوێستەی حیزبی چه‌پ شتێکی سەرسوڕهێنەرو چاوەڕوان نەکراو نیە، بەڵکو ئەوە سەرەنجامی ستراتیجیەکی درێژماوەی سیاسی ئەوانە، وەک زۆربەی حیزبەکانی تری ئەوروپا، ستراتیجیەک کە لە ژێر ناوی ئازادی دەربڕین و ئازادی ئایندا مەودا و پشتیوانەیەکی زۆری لە هێزی ئیسلامی سیاسی و توندڕەو کرد تا ڕۆژ لەدوای ڕۆژ زیاتر گەشە بکات و تەشەنە بسەنێت.

لە هەمان کاتدا شتێکی سەیر نیە کە ئامینە چ وەک "ژنێک" چ وەک "پەناهەندەیەک" ی دژه‌ ئیسلامی سیاسی کە بە هەموو توانایەوە لەبەرامبەر هێزە توندڕەوەکاندا وەستاوە، لەلایەن ئەو حیزبەوە هەوڵی ڕێگاگرتن لە خۆ کاندید کردنەوەی بۆ پەرلەمان بدرێت، حیزبێک کە پایه‌ی سیاسی له‌سه‌ر دادپەروەری و یەکسانی ژن و پیاو "ڕاوه‌ستاو" بێت، به‌ڵام له‌ ڕاستیدا مێژوی چه‌ند ساڵی دوایی پێچه‌وانه‌که‌یمان بۆ ده‌سه‌لمێنێ.

ئەم هەڵوێستەی حیزبی چەپ لەبەرامبەر هەڵسوڕاوێکی ژناندا کە هەمیشە لە هەوڵی وەستانەوەدا بوە لەبەرامبەر نادادپەروەری و نایەکسانیدا، هۆشداریەکە بۆ بزووتنەوەی ئینسانیخوازی چ لە ناو خودی حیزبی چەپ وە چ لە ناو کۆمەڵگەدا کە چیتر ئەو حیزبە و هاوشێوه‌کانی ئەو داکۆکیکارە سەرسەختە نیە بۆ مافەکانی مرۆڤ و دادپەروەری کۆمەڵایەتی.

لە ئێستادا ئیتر ئەم ململانێیە تەنها پەیوەست نیە بە ئامینەوە، به‌ڵکو ململانێکه‌ له‌وه‌ گه‌وره‌تره‌ و ڕيشه‌ی قوڵتری هه‌یه‌، لەو ئاستەدایە کە ئیتر قسە لەسەر دوو جەمسەری سیاسیە و په‌یوه‌سته‌ به‌ ئێستاو ئاینده‌ی هه‌موومانه‌وه‌، یەکێکیان بەرەی ئینسانی بۆ داکۆکی بێ قەیدو شەرتی مافی مرۆڤ بەبێ لەبەرچاوگرتنی ڕەگەز، ئاین و میللیەت، ئەوەی تریان بەرەی داکۆکی و مەودا دان بە توندڕەوی ئیسلامی سیاسی و ڕاسیزم چ لە

سوید یان پشتیوانه‌ی ئه‌م ڕه‌وتانه‌ له‌ ووڵاتانی تر. ئێمه‌ش لێره‌دا ده‌بێت هه‌ڵبژاردنی خۆمان بکه‌ین و به‌ره‌ی مرۆڤدۆستی خۆمان جیابکه‌ینه‌وه‌ و هه‌ڵوێستمان له‌ به‌رامبه‌ریاندا ڕۆشن بێت.

هیچ نیگەران مەبە، مەیدانی ڕاستەقینەی خەبات هەر بەردەوام دەبێت لە کۆمەڵگادا و لە دەرەوەی چوارچێوەی ئەو حیزبە کڵێشه‌یی و تەقلیدیانەدا کە ئیتر کاتیەتی ڕویان هەڵماڵرێت!

هەڵاڵە ڕافع
سەنتەری نینا / سوید

بگه‌ڕێوه‌ | بینێره‌ | چاپ | (1308) جار بینراوه‌

My Yahoo | Twitter| Facebook

بۆچوون بنێره‌





بابه‌ت و کەیسی سەنتەر
avatar

ئاماری حاڵه‌ته‌کانی کێشه‌ی کۆمه‌ڵایه‌تی و توندووتیژی که‌ روویانکردوه‌ته‌ سه‌نته‌ری نینا له‌ ساڵی 2016!

ئه‌رشیفی ئاماره‌کانی بەشی ڕاوێژکاری و ڕێنوێنی کێشە کۆمەڵایەتیەکان لە سەنتەری نینا 124 حاله‌تی له‌ ساڵی 2016 د...
avatar

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا‌

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا

ئاماره‌کان ده‌توانن په‌یامێکمان ده‌رباره‌...
avatar

ئاماری ساڵی 2014 ی ئه‌و که‌یسانه‌که‌ ڕویان له‌ سه‌نته‌ری نینا کردووه‌!

ئه‌و که‌یسانه‌ی‌ ڕویانکردووه‌ته‌ سه‌نته‌ری نینا و تۆمارکراون ‌ 113 که‌یسی جۆراوجۆر‌ له‌ ته‌مه‌نی 18- 65 ...
avatar

هێندە ترسی لەباوکی هەیە نەیتوانیوەبپرسێت بۆچی دایکی کوشتووە

قوربانیه‌كانی‌ كوشتن به‌ناوی‌ شه‌ره‌فپارێزییه‌وه‌ هه‌ر ئه‌وانه‌ نین كه‌ گیان له‌ده‌ستده‌ده‌ن، به...
ikkr.org © 2017 | Start| Designed by www.helanet.se