Arabic English
سه‌ره‌کی| ده‌رباره‌ی ڕێکخراو| سه‌نته‌ری نینا| ستاف| په‌یوه‌ندی| وێنه‌


بیروڕاو دیدار
avatar

ئیسلامی توندڕەو یان سیاسه‌ت و پەلەقاژێی ده‌سه‌ڵات!

به‌پێی کارو کرده‌وه‌کانی گروپه‌ ئیسلامیه‌کان له‌ ماوه‌ی چه‌ند ساڵی ڕابوردو، وه‌ به‌ تایبه‌ت له‌م ماوا...
avatar

هه‌موومان به‌رپرسیارین، هه‌نگاوێک بۆ پێشه‌‌وه‌!

به‌ده‌ر له‌وه‌ی که‌ ‌ مه‌سه‌له‌ی ژن وه‌ک پرسێکی سیاسی ده‌بێت له‌ کۆنسێپتی تایبه‌تی خۆیدا به‌ڕۆشنی با...
avatar

8 ی مارس! ‌ هه‌ندێک له‌ خاڵه‌ لاوازه‌کانی بزوتنه‌وه‌کانی ژنان له‌ سه‌ر ئاستی جیهان و ناوچه‌یی

- هه‌ژمونی ده‌سه‌ڵاتی ڕاستڕه‌و.
- به‌هێز بوونی ڕاسیزم و لیبرالیزم و ئیسلامی سیاسی له‌سه‌ره‌نجامی بێهێزی...
ئایا پێت وایه‌ که‌ ده‌بێت دین له‌ ده‌وڵه‌ت و یاسا جیا بکرێته‌وه؟
بەڵێ
نەخێر
بۆم گرینگ نیە
Contact RSS Facebook Youtube

د.نەشمیل رەسول: تێكچوونی باری دەروونی كاریگەری هەیە لەسەر ئەو ژنانەی خۆیان دەسوتێنن.


2 Sep 2013
د. نەشمیل رەسول، پزیشكی پسپۆڕی نەخۆشییە دەروونییەكانە لە كوردستان، لەم چاوپێكەوتنەیدا لەگەڵ رێوان باس لە بوونی حاڵەتی خەمۆكیو نیشانەكانی دەركەوتنی گرفتە دەروونییەكان دەكاتو پێیوایە هێشتا لەكوردستان داهێنراوە تەكنەلۆجییەكان بەو رێژەیە لەبەردەستی ژناندا نییە كە شوێنی بۆ هۆكارە كۆمەڵایەتییەكان لێژ كردبێت لە دروستكردنی گرفتی دەروونی بۆ ژنان.
ئەو پسپۆڕە دەرونییە رێنمایی ژنان دەكات بەوەی لەپێناو كەمكردنەوەی فشارە دەروونییەكان هەر شوێنێك لێیانەوە نزیكەو ژینگەیەكی سروشتییە سوودی لێ ببینن بۆ جەو گۆڕین.
رێوان: چۆن بزانرێت ژنێك تووشی خەمۆكی بووە؟
د.نەشمیل: نیشانەكانی خەمۆكی لەژنانو لە پیاوانیشدا وەك یەكە، ئەو نیشانانەی كە بەشێوەیەكی سەرنجڕاكێش تێیاندا دەبینرێت بەپلەی یەكەم دڵتەنگییە چ خۆیو چ دەوروبەرەكەی هەستی پێدەكەن، چونكە بەدرێژایی رۆژ بەدەموچاوییەوە دەبینرێت. ئەو كەسەی توشی خەمۆكی دەبێت ناتوانێت تامی رێكەوتو روداوە خۆشەكانی دەوروبەری بكاتو هەموو ئەو شتانەی كە جاران خۆشی لێ بینیوە ئیتر حەزی لێیان نامێنێت، كەمبوونەوەی تەركیزو لەبیرچوونەوە لە نیشانەكانی دیكەی خەمۆكییەو بەرەو ئەوەش دەڕوات كە هەمیشە بیركردنەوەیەكی نێگەتیڤی هەبێت بەرامبەر بەرابردو و ئێستایو خۆی بەسەرنەكەوتوو دەبینێت، ئەو بێ هیوایە بەرامبەر بە داهاتویو هەست دەكات هیچ شتێك نییە یارمەتی بدات.
نیشانەیەكی تر كە خەڵك زۆر بەئاسانی هەستی پێدەكات ئەوەیە كە توانای كاركردنی بەبەراورد بەجاران كەمتر دەبێتەوەو ئەو ئیشو كارانەی كە پێشتر زۆر بەخێراییو كارامەیی كردوویەتی ناتوانێت وەك پێشتر بەهەمان ووزەو دەستوبردییەوە ئەنجامیان بدات.
ئەوانەی كە خەمۆكییان هەیە بەشێوەیەكی گشتی ئارەزووی خواردنیان كەم دەبێتەوە هەربۆیە كێشیان دادەبەزیتو هەتا دێت لاوازتر دەبن، بەڵام ژمارەیەكی كەمیشیان بەپێچەوانەوە حەزی خواردنیان زیاتر دەبێت، ئەمەش گۆڕانی كێشی لەگەڵدا بێت.
گۆڕانی كاتەكانی خەوتن یەكێكی دیكەیە لەنیشانەكانی خەمۆكیو ئەوان گرفتی كەم خەوییان بۆ دروست دەبێت لەوانەیە جیاواز لەجاران زووتر هەستن لەخەو، بەڵام هەستیش بەوە دەكەن كە تێرخەو نەبوون.
رێوان:كەی پێویست دەكات ژن بچێت بۆ لای پزیشكی پسپۆڕ بۆئەوەی دڵنیابێت لەوەی لەباری دەروونییەوە كێشەی نییە؟
د.نەشمیل: ئەگەر ئەو نیشانانەی كە لەسەرەوە باسمكرد لە دوو هەفتە زیاتری خایاندو زۆربەی رۆژەكان ئەم نیشانانەی تێدا بوو ئەوا باشتروایە سەردانی پزیشك بكات.
رێوان: لە كوردستان خۆ سووتاندنی ژنان بۆتە دیاردە، بەڕای تۆ پەیوەندییەك هەیە لەنێوان باری دەروونی ژنانو خۆ سووتاندندا؟
د.نەشمیل: تێكچوونی باری دەروونی یەكێكە لەهۆكارە سەرەكییەكانی خۆسووتاندنی ژنان، كە لەبنەڕەتدا بەهۆی بوونی نەخۆشییەكی دەروونییەوە یان گرفتێكی ئابوری یان كۆمەڵایەتییەوە تووشی بووەو بۆ شێوەیەكی كاتی دوچاری پەشێوییەكی دەروونی كردووە، بەشێوەیەك هانیدەدات بیر لەخۆكوشتن بكاتەوە، بەدڵنیاییەوە ئەو ژنانەی خۆیان دەسوتێنن تێكچوونی باری دەروونییان كاریگەرییەكی زۆری هەیە لەسەر پەنابردنیان بۆ خۆ ئازاردان.
رێوان: توێژینەوەیەكی زانستی نوێ ئاشكرای كردووە كە تەلەفزیۆنو ئایپادو داهێنراوە نوێیە تەكنەلۆژییەكان لە رێژەی توشبوونی ژنان بە خەمۆكی زیاد دەكەن، ئایا بۆ كوردستان ئەمە راستە یان هۆكارە كۆمەڵایەتییەكان لەپێش داهێنراوە تەكنەلۆژییەكانە؟
د.نەشمیل: بەپێی ئاستی پێشكەوتنی كۆمەڵگەی ئێمە، ئەوەی كە زۆرتر باوە لەناو ژنانی كورددا كاریگەری باری كۆمەڵایەتیو باری خێزانیو ئاستی رۆشنبیری تاكەكانە، ئەم هۆكارانە زیاتر لە داهێنراوە تەكنەلۆجییەكان بەشدارن لەوەی ژنان توشی خەمۆكی بن، چونكە هێشتا بەرهەمە تەكنەلۆجییانە هێشتا نەچۆتە بەردەستی هەموو ژنێكی كورد، بێگومان ناڵێم كاریگەری نییە، بەڵام بەبەراورد بە هۆكارە كۆمەڵایەتییەكان كەمە، راستە ژمارەیەكی زۆری ژنان لاپتۆپ و مۆبایلو ئایپادیان هەیە، بەڵام كاتی دیاریكراویان بۆ بەكارهێنانی ئەو ئامڕازانە زۆر كەمە.
رێوان: چارەسەر چییە بۆ خەمۆكیو خۆپاراستن لە گرفتە دەروونییەكان؟
د.نەشمیل: هەموو نەخۆشییە دەروونییەكان چارەسەریان هەیە، بەشێكیان لەرێگەی دەرمانەوەو بەشێكی دیكەشیان بەوەرگرتنی رێنمایی دەروونیی دەكرێت كە پسپۆڕی تایبەتمەندی بوارەكە دەیكات، خەمۆكی یەكێكە لەو حاڵەتە دەروونییانەی كە بەبەراورد بە حاڵەتەكانی دیكە زۆرترین چارەسەری هەیە، لەڕووی دەرمانەوە بەرهەمی باش هەیەو لەڕووی رێنمایی دەرونیشەوە پسپۆڕی باش لەو بوارەدا پێگەیشتووە كە دەتوانێت زۆر باش هاوكاری ئەو كەسانە بكات.

رێوان: پسپۆڕە دەروونییەكان پێیانوایە گەشتكردنو وەرزشكردن یان چوونە نێو پاركو هەڵمژینی هەوای پاك یارمەتیدەرێكی باشە بۆدووركەوتنەوە لە گرفتە دەروونییەكان، وەك پسپۆڕێكی دەروونی ئەم پێشنیارانە لە كوردستان بۆ خەڵك لەبەردەستدایە؟
د.نەشمیل: ئێمە هەمیشە پێشنیار دەكەین بۆ نەخۆشەكانمان كە پێویستە گەشت بكەن، لێرەدا هەندێك بەهەڵە لەم پێشنیارە تێدەگاتو بیریان بۆ كۆچكردن دەچێت، هەندێك كەس وەڵاممان دەدەنەوە كە ئەوانەی كۆچیان كردووە رێژەی خەمۆكیو ناجێگیری باری دەروونی تێیاندا زۆرترە، بێگومان ئەمەش راستییەكی زانستییەو هۆكارەكەشی نەزانینی زمانو دوركەوتنەوە لەخەڵكو مامەڵەكردنە لەگەڵ شارستانییەتێكی نوێ، وێڕای بیركردنی كەسوكار، بەپێچەوانەشەوە گەشتكردن رۆڵێكی گرنگ دەبینێت بۆ كەمكردنەوەی ئەو فشارە دەروونییانەی كە لەسەر هەر تاكێكی كۆمەڵگە هەیە نەك تەنها ئەوانەی گرفتی دەروونییان هەیە.
جەو گۆڕین پێویستە بۆ هەموو كەس، ئەوانەش كە بەهۆی رێگری خێزان یان بەگشتی سەفەركردن بۆ هەموو كەس لە كوردستان ئاسان نییە، دەتوانن رێگە چارەی دیكە بدۆزنەوە بۆنموونە دەتوانن گەشت بكەن بۆ شوێنێكی نزیكی ناوخۆی هەرێم دەتوانن بڕۆنەوە بۆ ناو لادێكانیان، چونكە لێرەدا مەبەست لەگەڵ گەشتكردن چوونە بۆ ناو ژینگەیەكی سروشتی كە بتوانیت لەفەزای قەرەباڵغ دوربكەویتەوە، ژنان بەگشتی دەتوانن سوود لەهەر پاركو فەزایەكی سروشتی وەربگرن كە لێیانەوە نزیكە، هەر شوێنێك كە لێیانەوە نزیكە با بڕوات، چونكە ئەمە جەو گۆڕینەو كاریگەری پۆزەتیڤی زۆری دەبێت لەسەر باری دەروونییان.
رێوان: هیچ پەیوەندییەك هەیە لەنێوان سیستمی خۆراكیو خەمۆكی یان ناجێگیری باری دەروونی ژنان؟
د.نەشمیل: ناتوانین بڵێین خۆراك خەڵك تووشی نەخۆی دەروونی دەكات، بەڵام دەتوانین بڵێین خەمۆكیو دڵتەنگیو هەندێك جۆری دیكەی حاڵەتە دەروونییەكان وادەكات سیستمی خۆراكییان تێكبچێت، چونكە شێوازی خۆ گونجاندنیان لەگەڵ حاڵەتە دەروونییەكانیاندا وادەكات خۆراك زیاتر بخوات، یان شیرینی زۆرتر بخوات، هۆكاری ئەمەش دەگەڕێتەوە بۆئەوەی خواردنەكە هەستێكی خۆشی دەداتێو لەگەڵ خواردنەكەدا هەست بەدڵنیایی دەكات، شیرینیش ماددەی گلوگۆزی تێدایە كە دوای گەیشتنی بەمێشك هۆكارێكە بۆ دروست بوونی ماددەی سیرۆتۆنیكس كە ئەمیش یەكێكە لەهۆكارەكانی رێكخستنی مەزاج لەمێشكداو كاریگەری دەبێت لەسەر ئەو كەسانەی كە فشاری دەروونی زۆریان لەسەرە.

له‌ ڕێوانه‌وه‌ وه‌رگیراوه‌

بگه‌ڕێوه‌ | بینێره‌ | چاپ | (1260) جار بینراوه‌

My Yahoo | Twitter| Facebook

بۆچوون بنێره‌





بابه‌ت و کەیسی سەنتەر
avatar

ئاماری حاڵه‌ته‌کانی کێشه‌ی کۆمه‌ڵایه‌تی و توندووتیژی که‌ روویانکردوه‌ته‌ سه‌نته‌ری نینا له‌ ساڵی 2016!

ئه‌رشیفی ئاماره‌کانی بەشی ڕاوێژکاری و ڕێنوێنی کێشە کۆمەڵایەتیەکان لە سەنتەری نینا 124 حاله‌تی له‌ ساڵی 2016 د...
avatar

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا‌

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا

ئاماره‌کان ده‌توانن په‌یامێکمان ده‌رباره‌...
avatar

ئاماری ساڵی 2014 ی ئه‌و که‌یسانه‌که‌ ڕویان له‌ سه‌نته‌ری نینا کردووه‌!

ئه‌و که‌یسانه‌ی‌ ڕویانکردووه‌ته‌ سه‌نته‌ری نینا و تۆمارکراون ‌ 113 که‌یسی جۆراوجۆر‌ له‌ ته‌مه‌نی 18- 65 ...
avatar

هێندە ترسی لەباوکی هەیە نەیتوانیوەبپرسێت بۆچی دایکی کوشتووە

قوربانیه‌كانی‌ كوشتن به‌ناوی‌ شه‌ره‌فپارێزییه‌وه‌ هه‌ر ئه‌وانه‌ نین كه‌ گیان له‌ده‌ستده‌ده‌ن، به...
ikkr.org © 2017 | Start| Designed by www.helanet.se