Arabic English
سه‌ره‌کی| ده‌رباره‌ی ڕێکخراو| سه‌نته‌ری نینا| ستاف| په‌یوه‌ندی| وێنه‌


بیروڕاو دیدار
avatar

ئیسلامی توندڕەو یان سیاسه‌ت و پەلەقاژێی ده‌سه‌ڵات!

به‌پێی کارو کرده‌وه‌کانی گروپه‌ ئیسلامیه‌کان له‌ ماوه‌ی چه‌ند ساڵی ڕابوردو، وه‌ به‌ تایبه‌ت له‌م ماوا...
avatar

هه‌موومان به‌رپرسیارین، هه‌نگاوێک بۆ پێشه‌‌وه‌!

به‌ده‌ر له‌وه‌ی که‌ ‌ مه‌سه‌له‌ی ژن وه‌ک پرسێکی سیاسی ده‌بێت له‌ کۆنسێپتی تایبه‌تی خۆیدا به‌ڕۆشنی با...
avatar

8 ی مارس! ‌ هه‌ندێک له‌ خاڵه‌ لاوازه‌کانی بزوتنه‌وه‌کانی ژنان له‌ سه‌ر ئاستی جیهان و ناوچه‌یی

- هه‌ژمونی ده‌سه‌ڵاتی ڕاستڕه‌و.
- به‌هێز بوونی ڕاسیزم و لیبرالیزم و ئیسلامی سیاسی له‌سه‌ره‌نجامی بێهێزی...
ئایا پێت وایه‌ که‌ ده‌بێت دین له‌ ده‌وڵه‌ت و یاسا جیا بکرێته‌وه؟
بەڵێ
نەخێر
بۆم گرینگ نیە
Contact RSS Facebook Youtube

کڕینه‌وه‌ی ناموس له‌لایه‌ن کوردانی تاراوگه‌


19 Aug 2013
له‌سه‌ر ئه‌م بابه‌ته‌ راوبۆچوونی جیاواز هه‌ن، بۆ ئه‌م مه‌به‌سته‌ش PUKmedia بیروڕای چه‌ند رۆشنبیرێکی دانیشتووی ئه‌وروپا وه‌رده‌گرێت.
نووسه‌رو رۆشنبیر (روناک شوانی) له‌ وڵاتی سوید سه‌باره‌ت به‌ هۆکاره‌ سه‌ره‌کییه‌کانی ئه‌و دیارده‌یه‌ به‌مجۆره‌ دوا: توندوتیژی دژ به‌ ژنان له‌ زاڵبوون و ده‌سته‌باڵایی عه‌قڵییه‌تی پیاوسالارییه‌وه‌ سه‌رچاوه‌ ده‌گرێت، له‌ یاساو رێساکانی ئه‌م عه‌قڵییه‌ته‌دا مێیینه‌ به‌ سومبولی شه‌ره‌ف و ئابڕووی خێزان و خێڵ و ته‌نانه‌ت نه‌ته‌وه‌ش ده‌زانێت، هه‌ڵگری ئه‌م عه‌قڵییه‌ته‌ له‌هه‌ر شوێنێک بێت هه‌ر به‌وشێوه‌یه‌ بیرکردنه‌وه‌یه‌ کار ده‌کات، ئیدی له‌ وڵاتی پێشکه‌وتوودا بێت یان دواکه‌وتوو هیچ جیاوازییه‌کی نییه‌، زۆربه‌ی ئه‌و خێزانه‌ کوردانه‌ی که‌ له‌م وڵاتانه‌دا ده‌ژین ئاڵوگۆڕێکیان له‌ بیروبۆچوونه‌کانی خۆیاندا له‌وباره‌یه‌وه‌ نه‌کردووه‌ یان هه‌وڵیان نه‌داوه‌ تێکه‌ڵی کلتووری پێشکه‌وتووی ئه‌م وڵاتانه‌ بن، به‌ڵکو ته‌نها شوێنی ژیانیان گۆڕیوه‌و ده‌ستبه‌رداریی دابونه‌ریت و عه‌قڵییه‌ته‌ خێڵه‌کییه‌که‌ی خۆیان نه‌بوون، به‌ پێچه‌وانه‌شه‌وه‌ منداڵه‌کانیان به‌ تایبه‌تیش کچه‌کانیان ده‌کێشنه‌ ناو چوارچێوه‌ی ئه‌و بازنه‌ ته‌سکه‌ی عه‌قڵییه‌تی خۆیانه‌وه‌، له‌گه‌ڵ یه‌که‌م به‌ره‌نگاربوونه‌وه‌ی نه‌وه‌ی نوێ یان ئه‌و نه‌وه‌یه‌ی که‌ لێره‌ له‌دایکبووه‌ یان ئه‌و ژنانه‌ی له‌به‌ر هه‌رهۆیه‌ک که‌وتوونه‌ته‌ ناو پڕۆسه‌ی هاوسه‌رگیریی نه‌خوازراوه‌وه‌، شه‌ڕی دوو کلتووری دروستده‌بێت و کاره‌ساته‌کان ده‌ستپێده‌که‌ن و کوشتنی لێده‌که‌وێته‌وه‌.
کلتووری نامۆ
رۆژنامه‌نووسی لاو (شاخه‌وان ئه‌کره‌م) له‌ هۆڵه‌ندا جیاوازی کلتوورو دابڕان له‌ کلتووری کوردی به‌ یه‌کێک له‌ فاکته‌ره‌ هه‌ره‌ دیاره‌کانی ئه‌و دیارده‌یه‌ داده‌نێت و ده‌ڵێت: کاتێک که‌سێک بڕیاری ژیان له‌ تاراوگه‌ ده‌دات، ئه‌وا هه‌ست به‌و جیاوازییه‌ کلتووری ژینگه‌ییه‌ ده‌کات که‌ له‌ نێوان وڵاتی دایک و خانه‌خوێدا هه‌یه‌و ئه‌وکاره‌ بڤه‌و قه‌ده‌غه‌کراوانه‌ی که‌ پێشتر حه‌زی لێبووه‌ ره‌نگه‌ له‌و که‌شه‌ نوێیه‌ی ئه‌وروپا به‌رجه‌سته‌ی بکات، بۆیه‌ ئه‌مه‌ش له‌لایه‌ن کۆمه‌ڵگای ئێمه‌وه‌ نه‌ویستراوه‌، ئه‌وکاته‌ی که‌ کچه‌ کوردێک له‌ ناوه‌ندی خوێندنه‌که‌ی حه‌ز له‌ ‌کوڕێک بکات و بچێته‌ جێژوانێک یان کارێک بکات به‌ پێچه‌وانه‌ی کلتووری کوردییه‌وه‌ بێت و که‌سوکاره‌كه‌ی پێی بزانن، ئه‌وکاته‌ پلانی کوشتن یان ته‌ڵاقدان یان به‌ ناوی گه‌شت کردنه‌وه‌ بۆ کوردستان له‌‌ناوده‌برێن، له‌ كاتێكدا له‌ ‌ئه‌وروپا زۆر ئاساییه‌و ئه‌مانه‌ هه‌ر گرفت نین بگره‌ یاسا پشتیوانیان لێده‌کات، هه‌روه‌ك کاتێک ئه‌گه‌ر ژنه‌که‌ بشکێندرێت له‌لایه‌ن كه‌سوكارییه‌وه‌ ئه‌وا راسته‌وخۆ خانوو و مووچه‌ی مانگانه‌ی به‌جیا پێده‌ده‌ن و ده‌توانێت سه‌ربه‌خۆو ئازاد بژی.
(ناهید موکری) رۆشنبیرو چالاکوانی مافی ژنان له‌ وڵاتی سوید رایه‌کی تری هه‌یه‌و پێی وایه‌ که‌ ئه‌و دیارده‌یه‌ په‌یوه‌ندی به‌ کلتووره‌وه‌ نییه‌ هێنده‌ی ئه‌وه‌ی ژێرده‌سته‌یی میللـه‌تی کورد به‌ دریژایی میژوو وایکردووه‌ که‌ جۆرێک کلتووری میللـه‌ته‌ جیاجیاکانی به‌سه‌ردا سه‌پێندرابێت، کلتووری ره‌سه‌ن و پاراوی کوردی مه‌یدانی ئازادییه‌کانی بۆ ژن فراوانتر بووه‌ له‌وه‌ی که‌ ئێستا هه‌یه‌، به‌ڵگه‌ش دۆخی ئه‌و ناوچانه‌یه‌ که‌ که‌متر بێگانه‌ رووی تێکردووه‌و که‌متر نه‌ریته‌که‌ی شێوێندراوه‌و نه‌که‌وتووه‌ته‌ ژێر کاریگه‌ری نه‌ته‌وه‌ سه‌رده‌سته‌کانی، ده‌بینین له‌وێ یه‌کسانی له‌ بواره‌ جۆراوجۆره‌کاندا هه‌یه‌ وه‌کو هه‌لومه‌رجی کۆمه‌ڵایه‌تی و په‌یوه‌ندی نێوان ژن و پیاو هه‌روه‌ها له‌ بواری ئیشوکاردا ئه‌م یه‌کسانییه‌ به‌رچاوتره‌، به‌ڵام به‌ داخه‌وه‌ وڵاتی ئێمه‌ که‌وتووه‌ته‌ژێر کاریگه‌ری نه‌ریتی نامۆ به‌ خۆی، به‌هۆی ژێرده‌ستییه‌وه‌ نه‌ته‌وه‌ی سه‌رده‌ست توانیویه‌تی نه‌ریته‌کانی خۆی فه‌رزبکات.
سوید به‌هه‌شتی ژنانه‌
رۆژنامه‌نووسی یه‌زیدی دانیشتووی هۆڵه‌ندا (حه‌سۆ هورمی) به‌پێی پێناسه‌یه‌کی زانستی کوشتنی ژنان وا لێکده‌داته‌وه‌ که‌ دیارده‌یه‌کی جیهانییه‌و ئه‌و ره‌فتاره‌ له‌لایه‌ن که‌سوکاره‌ نزیکه‌کانی کچ یان ژن ئه‌نجامده‌درێن به‌ بیانووی پاراستنی شه‌ره‌ف و نامووس و بڕوابوون به‌ ئایینه‌ ئاسمانییه‌کان، هۆکاره‌کانیشی دواکه‌وتووی کۆمه‌ڵگاو کاریگه‌ری دابونه‌ریته‌ باوه‌کان و کلتوورو نه‌بوونی ئازادی تاکه‌که‌سی و نه‌بوونی مافی مرۆڤ و جێبه‌جێنه‌کردنی به‌نده‌کانی پاراستنی مافه‌کانی ژنان و یه‌کسانی و به‌رابه‌ری و ئازادییه‌ کۆمه‌ڵایه‌تییه‌کان و بوونی فتوای ئایینی جۆراوجۆر لێکده‌داته‌وه‌، هه‌روه‌ها وای ده‌بینێت که‌ داپۆشین و شاردنه‌وه‌ی له‌لایه‌ن کۆمه‌ڵگه‌و که‌ناڵه‌کانی راگه‌یاندن بۆ ئه‌و رووداو و دیاردانه‌ی که‌ لێره‌و له‌وێ ئه‌نجامده‌درێن هۆکارێکی دیاری تره‌ بۆ ته‌شه‌نه‌کردن و به‌ئاسایی بوون و رێنه‌گرتن له‌و کاره‌ساته‌ که‌ تووشی کۆمه‌ڵگه‌که‌مان بووه‌ته‌وه‌.
ئه‌وه‌ی به‌دیده‌کرێت ئه‌وه‌یه‌ که‌ له‌ ماوه‌ی چه‌ند ساڵیکی که‌می رابردوودا ته‌نها له‌ سوید زیاتر له‌ 15 کچ و ژن به‌ ده‌ستی که‌سوکارییان کوژراون که‌ له‌چاو وڵاتانی تر که‌ کوردی لێ ده‌ژی زۆرتره‌.
بۆ ئه‌م مه‌به‌سته‌ (ناهید موكری) وتی: رێژه‌ی په‌نابه‌ری کورد له‌ سوید زۆرتره‌ له‌ وڵاتانی ترو کورد له‌ کۆمه‌ڵگه‌ی سوید دا کۆمه‌ڵێکی بچووک نییه‌، نه‌ریتی کوردیش به‌وجۆره‌یه‌ که‌ زیاتر له‌گه‌ڵ یه‌کتربین و زیاتر قوڵبینه‌وه‌ له‌ په‌یوه‌ندی له‌گه‌ڵ هاوزمانه‌کانمان، خۆتان ده‌زانن ئه‌گه‌رچی پێشێلکردنی مافه‌کان بوونی هه‌یه‌، به‌ڵام وڵاتی سوید به‌ به‌راورد به‌ وڵاتانی تر به‌ به‌هه‌شتی ژنان ناو ده‌برێت له‌ مافه‌کانیاندا، خۆ ئه‌گه‌ر کۆمه‌ڵی کوردی زیاتر تێکه‌ڵی ئه‌م کۆمه‌ڵگه‌یه‌ بن، بێگومان ده‌توانن نه‌ریتی خۆیان پاکبکه‌نه‌وه‌ له‌ خه‌وشی تێکه‌ڵاوی نه‌ته‌وه‌ سه‌رده‌سته‌کانیان و تێکه‌ڵ به‌ نه‌ریتێکی پێشکه‌وتووی سویدی بکه‌ن، به‌ڵام به‌ داخه‌وه‌ وانه‌کراوه‌، زۆرکات گردبونه‌وه‌ی کورد له‌ ده‌وری یه‌ک به‌ جۆرێک که‌ ئاگایان له‌ هه‌ناسه‌کانی یه‌کتریش بێت کاری نێگه‌تیفی کردووه‌، ته‌داخولاتی که‌سوکارمان له‌ وڵات کاریگه‌رییه‌کی تره‌ به‌سه‌رمانه‌وه‌، هه‌روه‌ها ده‌بێت ره‌خنه‌شمان له‌ رێکخراوه‌ مه‌ده‌نییه‌ کوردییه‌کان و رێکخراوه‌کانی ژنانی کوردیش هه‌بێت له‌ سوید که‌ له‌ په‌نای ئه‌م هه‌موو یاسا باش و گونجاوه‌ی وڵاتی سوید دا ئه‌گه‌ر کاریشیان کردبێت بۆ هۆشیارکردنه‌وه‌ی تاکی کورد، به‌ڵام به‌پێی پێویست هه‌نگاویان نه‌ناوه‌.
ده‌رباره‌ی به‌رپرسیارێتی هه‌موومان ده‌باره‌ی ئه‌م دیارده‌یه‌ (روناک شوانی) پێی وایه‌ که‌ به‌رپرسیاری یه‌که‌م کۆمه‌ڵگه‌یه‌، کۆمه‌ڵگه‌ی داخراو له‌ سایه‌ی سیستمی په‌روه‌رده‌ی خراپ و دواکه‌وتوودا ئه‌و ئه‌قڵییه‌ته‌ به‌رهه‌مده‌هێنیت و ده‌یپارێزێت، ئه‌رکی پاراستنه‌که‌ی ده‌خاته‌ ئه‌ستۆی تاکه‌ گوێڕایه‌ڵه‌کانی، به‌ شێوه‌یه‌ک ته‌نانه‌ت له‌ خاڵه‌ دووره‌کانی جیهانیشدا ده‌ستبه‌رداری نابن، که‌واته‌ ته‌نها رێگه‌ چاره‌سه‌ری گۆڕانکارییه‌کی بنه‌ڕه‌تییه‌ له‌ سیستمی په‌روه‌رده‌دا، ئه‌مه‌ش ده‌بێت به‌ شێوه‌یه‌کی سیستماتیک کاری له‌سه‌ربکرێت.
کورد ژنکوژ نییه‌
ده‌رباره‌ی ئه‌وه‌ی که‌ ئایا ئه‌و دیارده‌یه‌ کاریگه‌ری نه‌رێنی به‌سه‌ر سومعه‌ی کوردانه‌وه‌ هه‌یه‌، شاخه‌وان ئه‌کره‌م ده‌ڵێت: به‌ دڵنیاییه‌وه‌ هه‌ر گرفتێک به‌سه‌ر کوردێک بێت له‌ ‌ده‌ره‌وه‌ ئه‌وا له‌لایه‌ن ئه‌وروپییه‌کانه‌‌وه‌ كورد به‌‌ قێزه‌ون سه‌یر ده‌كرێت.
هه‌ر له‌وباره‌یه‌وه‌ (ناهیده‌ موكری) رایگه‌یاند: کاتێک ژنێک ده‌کوژرێت له‌ راگه‌یاندنه‌کان ناوی ئه‌و که‌سه‌ نابه‌ن، به‌ڵکو ده‌ڵێن کوردێک ژنێکی کوشت یان توندوتیژی به‌رامبه‌ر ژنێک کرد، لێره‌دا که‌ ده‌نووسن کوردێک هه‌موومان ده‌بینه‌ شه‌ریکی ئه‌و تاوانه‌ لای کۆمه‌ڵگه‌ی سویدی یان ئه‌وروپی، چونکه‌ ئه‌و کورد ده‌خوێنێته‌وه‌ نه‌ک که‌سی بکه‌ر، ئه‌و وای لێکده‌داته‌وه‌ كه‌ ئه‌مه‌ نه‌ریتی کورده‌ نه‌ک بیرته‌سکی که‌سێک یان خێزانێک، بۆیه‌ به‌ دڵنییایه‌وه‌ کاریگه‌ری زۆر خراپی له‌سه‌ر ناو و ناوبانگی کورد هه‌بووه‌و هه‌یه‌تی.
بۆ ئه‌و مه‌به‌سته‌ (روناک شوانی و حه‌سۆ هورمی) هاوڕابوون له‌سه‌ر ئه‌وه‌ی ئه‌و حاڵه‌تانه‌ کاریگه‌ری خراپ ده‌کاته‌ ناوبانگی ره‌وه‌ندی کوردی و وا خه‌ریکه‌ له‌ چه‌ند حاڵه‌تێکی لێره‌و له‌وێ ده‌بێته‌ دیارده‌و پێیان وایه‌ كه‌ ده‌بێت کارێک بکرێت رێگه‌ له‌ ته‌شه‌نه‌کردنی ئه‌و دیارده‌یه‌ بگیرێت.
ئه‌رکه‌کانمان
چی بکرێت باشه‌ بۆ ئه‌وه‌ی ئه‌و حاڵه‌تانه‌ ته‌شه‌نه‌ نه‌که‌ن و نه‌بنه‌ دیارده‌یه‌کی ترسناک که‌ ناوبانگی کوردان له‌ ده‌ره‌وه‌ بزڕێنێت و ژنانی کورد نه‌بنه‌ قوربانی؟
بۆ وه‌ڵامی ئه‌و پرسیاره‌ش (ناهید موكری) وتی: رێگاچاره‌ زۆرن و زۆریشی تاقیکراوه‌ته‌وه‌، به‌ڵام ئه‌وه‌ گرنگه‌ كه‌ تا چه‌ند سه‌رکه‌وتوو بوون؟ به‌ بڕوای من ده‌بێت سه‌ره‌تا رێکخراوه‌کانی ژنانی کورد واز له‌ کێبرکێی یه‌کتر بهێنن له‌سه‌ر بنچینه‌ی به‌رژه‌وه‌ندی تایبه‌تی، هه‌روه‌ها له‌ سوید رێکخراوگه‌لێکی ژنان هه‌ن و کار ده‌که‌ن به‌ڵام هه‌ماهه‌نگی زۆر که‌م هه‌یه‌ له‌ نێوانیان، ئه‌مه‌ش ده‌گه‌ڕێته‌وه‌ بۆ بیروباوه‌ڕی سیاسی و حزبی سه‌رپه‌رشتکارانی ئه‌و رێکخراوانه‌ که‌ لێکیان جیاده‌کاته‌وه‌، بۆیه‌ ده‌بێت رێکخراوه‌کانی کۆمه‌ڵی مه‌ده‌نی و رۆشنبیران و ده‌زگاکانی راگه‌یاندن له‌ ده‌ره‌وه‌ کاری جددی بکه‌ن له‌سه‌ر گێڕانه‌وه‌ی هه‌ستکردن به‌ به‌رپرسیارییه‌تی تاکی کوردو به‌رامبه‌ر ئه‌و دیارده‌ قێزه‌ونه‌ی که‌ له‌ناو کۆمه‌ڵه‌که‌یدا هه‌یه‌و ده‌بێت تاکی کورد به‌هۆش بێته‌وه‌ له‌وه‌ی کاتێک کوردێک ژنێک له‌م وڵاتانه‌ ده‌کوژێت یان توندوتیژی به‌رامبه‌ر ده‌کات، به‌ ته‌نها ئه‌و ژن کوژ نییه‌، به‌ڵکو له‌ پێش چاوی بێگانه‌دا باش و خراپی کورد ده‌بێته‌ ژنکوژ، بۆیه‌ له‌وکاته‌دا ئه‌گه‌ر تاک وه‌ک مرۆڤ هه‌ست به‌و به‌رپرسیارییه‌تیه‌ نه‌کات که‌ ده‌بێت کار بکات بۆ رێگری له‌ توندوتیژی، ده‌بێت وه‌ک خۆی و وه‌ک داکۆکی له‌ ناوی خۆی هه‌ست به‌و به‌رپرسیارییه‌تیه‌ بکات، لایه‌نێكی تریش ده‌گه‌ڕێته‌وه‌ بۆ ده‌سه‌ڵات و حزبه‌ کوردییه‌کان، ده‌بێت ئه‌وانیش ئاگایان له‌وه‌بێت و ئه‌رکی ئه‌وانه‌ داکۆکی له‌و ناسنامه‌ی جوانی کوردایه‌تی بکه‌نه‌ به‌شێک له‌ ئه‌وله‌ویه‌تی کاری خۆیان، ئه‌ویش له‌ رێگای راگه‌یاندنه‌کانیان و رێکخستن و لایه‌نگرو ئه‌ندام و داموده‌زگاکانیان، ده‌بێت له‌ خه‌می بڵاوکردنه‌وه‌ی هۆشیاری توندوتیژی ژناندا بن.
(شاخه‌وان ئه‌کره‌م)یش پێی وایه‌ که‌ ئه‌وه‌ ئه‌رکی هه‌موو لایه‌که‌ به‌ تاک و به‌ کۆمه‌ڵه‌ کوردییه‌کان و به‌ خێزانه‌کانی دانیشتووی وڵاتانی تاراوگه‌، كه‌ ده‌کرێت کۆمه‌ڵه‌ کوردییه‌کان لیژنه‌ی تایبه‌تیان هه‌بێت هه‌ر له‌ پسپۆڕی ده‌روونی و توێژه‌ری کۆمه‌ڵایه‌تی تا یاساناس و به‌زوویی بگه‌نه‌سه‌ر کێشه‌کان تا نه‌گاته‌ ده‌ست حکومه‌ت و شاره‌وانییه‌کان یان گه‌ڕانه‌وه‌یان بۆ کوردستان، ده‌کرێت ناوبه‌ناو کۆڕو سیمنار بگێڕدرێت له‌‌سه‌ر هه‌موو کێشه‌کان و هه‌رجاره‌ی به‌ ‌به‌شێک ماڵه‌ کوردییه‌کان بانگهێشت بکرێن بۆ ئاماده‌بوون.
له‌ کۆتاییدا حه‌سۆ هورمی وای ده‌بینیت که‌ په‌یوه‌ندی کۆمه‌ڵایه‌تی باش له‌سه‌ر بنچینه‌ی خۆشه‌ویستی و په‌روه‌رده‌ی نه‌وه‌ی نوێ له‌سه‌ر بنه‌ما جوان و شارستانییه‌ته‌کان و هه‌روه‌ها پێدانی ئازادی به‌ منداڵ و خێزانه‌کان له‌لایه‌ن سه‌رۆکی خێزانه‌کان، هۆکاری باش ده‌بن بۆ نه‌مانی ئه‌و دیارده‌یه‌و ئه‌رکی حکومه‌ته‌کانی ئه‌وروپاشه‌ که‌ به‌رنامه‌ی جددیان هه‌بیت بۆ راهێنانی ره‌وه‌نده‌کان له‌گه‌ڵ کلتووری جوان و رێگرتن له‌ ژنکوژی، ناوخۆی وڵاتیش ئه‌رکی تایبه‌تی له‌سه‌ره‌ له‌ هۆشیارکردنه‌وه‌و رێنمایی پێویست بۆ کوردانی ده‌ره‌وه‌.

بگه‌ڕێوه‌ | بینێره‌ | چاپ | (1194) جار بینراوه‌

My Yahoo | Twitter| Facebook

بۆچوون بنێره‌





بابه‌ت و کەیسی سەنتەر
avatar

ئاماری حاڵه‌ته‌کانی کێشه‌ی کۆمه‌ڵایه‌تی و توندووتیژی که‌ روویانکردوه‌ته‌ سه‌نته‌ری نینا له‌ ساڵی 2016!

ئه‌رشیفی ئاماره‌کانی بەشی ڕاوێژکاری و ڕێنوێنی کێشە کۆمەڵایەتیەکان لە سەنتەری نینا 124 حاله‌تی له‌ ساڵی 2016 د...
avatar

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا‌

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا

ئاماره‌کان ده‌توانن په‌یامێکمان ده‌رباره‌...
avatar

ئاماری ساڵی 2014 ی ئه‌و که‌یسانه‌که‌ ڕویان له‌ سه‌نته‌ری نینا کردووه‌!

ئه‌و که‌یسانه‌ی‌ ڕویانکردووه‌ته‌ سه‌نته‌ری نینا و تۆمارکراون ‌ 113 که‌یسی جۆراوجۆر‌ له‌ ته‌مه‌نی 18- 65 ...
avatar

هێندە ترسی لەباوکی هەیە نەیتوانیوەبپرسێت بۆچی دایکی کوشتووە

قوربانیه‌كانی‌ كوشتن به‌ناوی‌ شه‌ره‌فپارێزییه‌وه‌ هه‌ر ئه‌وانه‌ نین كه‌ گیان له‌ده‌ستده‌ده‌ن، به...
ikkr.org © 2017 | Start| Designed by www.helanet.se