Arabic English
سه‌ره‌کی| ده‌رباره‌ی ڕێکخراو| سه‌نته‌ری نینا| ستاف| په‌یوه‌ندی| وێنه‌


بیروڕاو دیدار
avatar

ئیسلامی توندڕەو یان سیاسه‌ت و پەلەقاژێی ده‌سه‌ڵات!

به‌پێی کارو کرده‌وه‌کانی گروپه‌ ئیسلامیه‌کان له‌ ماوه‌ی چه‌ند ساڵی ڕابوردو، وه‌ به‌ تایبه‌ت له‌م ماوا...
avatar

هه‌موومان به‌رپرسیارین، هه‌نگاوێک بۆ پێشه‌‌وه‌!

به‌ده‌ر له‌وه‌ی که‌ ‌ مه‌سه‌له‌ی ژن وه‌ک پرسێکی سیاسی ده‌بێت له‌ کۆنسێپتی تایبه‌تی خۆیدا به‌ڕۆشنی با...
avatar

8 ی مارس! ‌ هه‌ندێک له‌ خاڵه‌ لاوازه‌کانی بزوتنه‌وه‌کانی ژنان له‌ سه‌ر ئاستی جیهان و ناوچه‌یی

- هه‌ژمونی ده‌سه‌ڵاتی ڕاستڕه‌و.
- به‌هێز بوونی ڕاسیزم و لیبرالیزم و ئیسلامی سیاسی له‌سه‌ره‌نجامی بێهێزی...
ئایا پێت وایه‌ که‌ ده‌بێت دین له‌ ده‌وڵه‌ت و یاسا جیا بکرێته‌وه؟
بەڵێ
نەخێر
بۆم گرینگ نیە
Contact RSS Facebook Youtube

جۆرج ساند: ئەو ژنەی لەبەرگێكی پیاوانەدا دەنگی ژنانی بەكوَمەڵگاكەی ناساند


29 Jan 2013
"رۆژێك دێت جیهان باشتر لەمن تێبگات بەلاَم، ئەگەر ئەو رۆژە هەر نەشهات ئەوە زۆر گرنگ نییە، ئەوەی بەلای منەوە گرنگە ئەوەیە ئەوكات توانیومە رێگا بۆ ژنێكی ترخۆشبكەم". ئەمە ئەو دێڕە بوو كەژنە نووسەرو چیرۆك نووسی فەرەنسی جۆرج ساندی بەدونیا ناساند لەسەردەمێكدا كە ژنان نەیاندەتوانیو بۆیان نەبوو دەنگی ئازادیو دادپەروەری لەنێو كۆمەڵگاكانی خۆیاندا بەرووی هەموو ئەو ستەمو جیاوازییانەدا بەرزبكەنەوە كە دەرهاویشتەی عەقڵیەتی پیاوسالاری ئەو كاتی زۆرێك لەكۆمەڵگا ئەوروپیو جیهانییەكان بوو.

پێناسەی كەسییەتی "جۆرج ساند " چی دەڵێت؟
جۆرج ساند ناوی خوازراوی (ئۆرۆ ئەرماندین دوبان)ە یەكێك لەبەناوبانگترین ژنە چیرۆك نووسو نووسەرانی ولاَتی فەرەنسایە .. ساڵی 1804 لەپاریسی پایتەختی فەرەنساو لەخێزانێكی ئەروستۆقراتی لەدایك بووە، باوكی یەكێك لەگەورە ئەفسەرانی سوپای ناپلیۆن بووە بەلاَم، هەر لەتەمەنی منداڵییەوە بەهۆی لەدەستدانی باوكییەوە لەنازی باوكایەتی بێبەش بووە، دواتریش ئەركی پەروەردەكردنی كەوتووەتە ئەستۆی داپیرەگەورەی كەدانیشتووی یەك لەلادییەكانی نزیك پاریس بووە بەو شێوەیەش" ئەرماندین" ژیانی مەدەنییانەی شاری بەجێهێشتووەو رووی لەسەوزایو شاخو داخی ولاَتەكەی كردووەو ژیانی نوێی لەنێو كۆڕی دانیشتنەكانی جوتیاران بەسەر بردووە.. ئەو كۆڕانەی كەدواتر بوونە سەرەتایەك بۆدەرخستنی ئەرماندین لەنێو دونیای ئەدەبو نووسیندا.

سەرەتاكانی ئاشنابوونی ساند بەدونیای ئەدەبو نووسین.
هاورێیەتی ساند لەگەڵ نوسەری گەورەی فەرەنسی " جۆل ساندۆ " سەرەتایەك بوو بوَ تێكەڵبوونی ئەم خانمە لەگەڵ دونیای ئەدەبو نووسیندا، ساندۆ توانی جێدەستی خۆی لەژیانی ئەدەبی ساند بنەخشێنێتو یارمەتیدەرێكی باش بێت بۆ بەرهەمهێنانی یەكەم بەرهەمی ئەم خانمە بەتوانایە لەبواری چیرۆك نووسیندا بەناوی " گوڵی سپی" .. هەر ئەو هاوكاریو هاورێیەتییەش بوو كەبووە هۆكارێك بۆ هەڵبژاردنو دیاریكردنی نازناوی ساند لەژیانی ئەدەبی ئەم خانمە گەورەیەدا.

چی لەبارەی " ساند" وە دەوترێـت؟
ساند لەسەردەمێكدا ژیاوە مافەكانی ژنانو بانگەشەكردن بۆ ئازادی بیروڕا دەڕبرێن هێڵێكی سوور بووەو بەزاندنی مەترسییەكی كاریگەر بووە بۆسەر پێكهاتەی كۆمەڵگای فەرەنسی لەو سەردەمەدا.. بۆیە ئەو تایبەتمەندییەی ئەو ژنە مەزنەی جیاكردووەتەوە لەژنانی سەردەمی خۆیدا ئەوە بووە كەناوبراو هەموو ئەو بابەتو نووسینانەی كەبلاَویكردووەتەوە بەشێوەیەكی ئاشكرا هەموو لەژێر ناوی پیاوێكی خوازراودا " جۆرج ساند" بووە، ئەمە جگە لەوەی مەترسییەكان لەبارەی بلاَوكردنەوەی ئەو جۆرە بابەتانە لەو سەردەمەدا هێندە زەقبوون وایانكردووە كەئەم چیرۆكنووسە بەناوبانگە لەهەموو رووەكانەوە بەجلو بەرگو ستایلێكی پیاوانەوە خۆی دەربخات تەنها لەپیناوی ئەوەی بتوانێت بیروڕاكانی بەشێوەیەكی ئازادو بەئاشكرا بلاَوبكاتەوە .. هەروەها ساند بەوە ناسراوە كەتوانایەكی لەڕادەبەدەری هەبووە لەبارەی نووسینی نامەوە، وەكو ئاماژەشی پێدەكرێت ژمارەی ئەو نامانەی كە ناوبراو نووسیوێتی دوو ئەوەندەی ژمارەی رۆژەكانی تەمەنی خۆی بووە، ئەمەجگە لەوەی كە بەیەكێك لە سەرسەخترین ئەو كەسانە هەژمار كراوە كە تەواوی هەوڵەكانیان خستۆتەگەر بۆ داكۆكیكردن لەژینگەو پاراستنی لەمەترسییە جۆراوجۆرەكان.

ئەمانەو چەندین تایبەتمەندی تری ئەم خانمە گەورەیەش هەموو پێكەوە وایانكردووە كە گەورەنووسەرانی ئەو سەردەمەی ئەوروپا هەریەكەو بەستایشێكی جوانترو گەورەترەوە پێناسەیەك بۆ ئیشوكارەكانی ساند لەو سەردەمە تاریكەدا دابنێن هەروەكو میژوونوسی بەناوبانگی فەرەنسی دەڵێَت "بابەتە دەگمەنەكانی جۆرج ساند لەپاش سێ سەدەش هەر دەمێنیتەوەو دەخوێنرێتەوە".

فیكتۆر هۆگۆش دەڵێت " ئەو ژنە مەزنە لەهیچی كەم نییە، ئەو خاوەنی دڵێكی فراوانو بیرێكی مەزنە .. ئەو تایبەتمەندییەش كە نووسینەكانی ئەو لەكەسانی تر جیادەكاتەوە دووشتە : نەرم و نیانیو بانگەشەكردنی بۆ چاكەو چاكسازی".

ئەو بەرهەمانەی " ساند"یان بەجیهان ناساند
مێژووی ئەدەبی ئەم ژنە چێروك نووسە پڕە لەبەرهەمی كۆمەلاَیەتی كاریگەر كە لەرێگای هەموو ئەوانەوە توانیوێتی لەگەڵ ئازارو مەینەتییەكانی ژنانی سەردەمی خۆیدا ئاشنایەتییەكی تەواو پەیدا بكاتو لەو رووەشەوە ببێت بەدەنگێكی بوێر بۆ خستنەرووی هەموو ئەو نەهامەتییانە، گرنگترین ئەو بەرهەمانەش كەئەم خانمە مەزنەی بەجیهان ناساندووە نووسینی چیرۆكێك بوو لەژێر ناوی " ئەندیانا" و تێدا باس لەژیانی ژنێكی گەنج دەكات لەپاش پێكهێنانی ژیانی هاوسەرگیرییەوە كەچۆن تەمەنێكی پڕ لەئازار بەرێدەكات.. هەروەها ئەو چیرۆكە تیشك دەخاتەسەر هەستە سێكسییەكانی ژنان، ئەو بابەتەش بەتایبەت لەو كاتانەدا رووبەرووی بەرەنگاربوونەوەیەكی كۆمەلاَیەتی زۆر بووەتەوە بەحوكمی ناوەڕۆكی بابەتەكە كەباسی لەجیهانە شارەوەكانی ژنان كردووە.
ئەمانەو چەندین بابەتی تر لەژێر ناوەكانی "فادێتی بچووك " و " چیرۆكی ژیانم" و " جان" وهەروەها دەیان چیرۆكی تریش كە لەرێگای هەموو ئەوانەوە توانی ببێت بەنووسەرێكی گەورەو مێژوویەك بۆ خۆیو گەلی فەرەنساش لەو رووەوە بنووسێتەوە، هەروەكو خۆشی ئاماژەی پێدابوو لەژیانیدا نەهامەتییەی ئازارێكی زۆری چەشتبوو و لەو بارەیەشەوە وتبوی " لێمگەرێن بابنووسم، بازیاتر ئیشبكەمو ماندووبم .. بەڵكو بتوانم بەو شێوەیە لەدرۆكانی خۆشی ژیان خۆم دەربازكەم !".

بەو شێوەیەش ئەم خانمە مەزنە تادواساتەكانی ژیانی خۆی بەردەوام بوو لەكۆڵنەدان لەبواری نووسین وبەرهەمهێناندا .. لای خۆشیەوە سینەمای فەرەنسی وەكو رێزلێنانێك بۆهەموو ئەو ئەركو ماندووبوونەی كەئەم خانمە مەزنە لەسەردەمێكدا بەولاَتی فەرەنسای بەخشیوە هەستا بەوەرگێرانی ژیانی لەرێگای چەند فیلمێكی سینەماییەوە كە دواهەمینیان فیلمی " اولاد القرن" بوو وتێدا ژنە ئەكتەری فەرەنسی "جۆلێت بینۆش" رۆڵی جۆرج ساندی بەرجەستەكردووە.


ئا / ماجد محەمەد مستەفا

له‌ رێوان وه‌رگیراوه‌

بگه‌ڕێوه‌ | بینێره‌ | چاپ | (1528) جار بینراوه‌

My Yahoo | Twitter| Facebook

بۆچوون بنێره‌





بابه‌ت و کەیسی سەنتەر
avatar

ئاماری حاڵه‌ته‌کانی کێشه‌ی کۆمه‌ڵایه‌تی و توندووتیژی که‌ روویانکردوه‌ته‌ سه‌نته‌ری نینا له‌ ساڵی 2016!

ئه‌رشیفی ئاماره‌کانی بەشی ڕاوێژکاری و ڕێنوێنی کێشە کۆمەڵایەتیەکان لە سەنتەری نینا 124 حاله‌تی له‌ ساڵی 2016 د...
avatar

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا‌

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا

ئاماره‌کان ده‌توانن په‌یامێکمان ده‌رباره‌...
avatar

ئاماری ساڵی 2014 ی ئه‌و که‌یسانه‌که‌ ڕویان له‌ سه‌نته‌ری نینا کردووه‌!

ئه‌و که‌یسانه‌ی‌ ڕویانکردووه‌ته‌ سه‌نته‌ری نینا و تۆمارکراون ‌ 113 که‌یسی جۆراوجۆر‌ له‌ ته‌مه‌نی 18- 65 ...
avatar

هێندە ترسی لەباوکی هەیە نەیتوانیوەبپرسێت بۆچی دایکی کوشتووە

قوربانیه‌كانی‌ كوشتن به‌ناوی‌ شه‌ره‌فپارێزییه‌وه‌ هه‌ر ئه‌وانه‌ نین كه‌ گیان له‌ده‌ستده‌ده‌ن، به...
ikkr.org © 2017 | Start| Designed by www.helanet.se