Arabic English
سه‌ره‌کی| ده‌رباره‌ی ڕێکخراو| سه‌نته‌ری نینا| ستاف| په‌یوه‌ندی| وێنه‌


بیروڕاو دیدار
avatar

8 ی مارس! ‌ هه‌ندێک له‌ خاڵه‌ لاوازه‌کانی بزوتنه‌وه‌کانی ژنان له‌ سه‌ر ئاستی جیهان و ناوچه‌یی

- هه‌ژمونی ده‌سه‌ڵاتی ڕاستڕه‌و.
- به‌هێز بوونی ڕاسیزم و لیبرالیزم و ئیسلامی سیاسی له‌سه‌ره‌نجامی بێهێزی...
avatar

ده‌بێت بوێرین ده‌ست ببه‌ین بۆ "بچوکه‌کان" که‌ له‌ ڕاستیدا گه‌وره‌ن!

پێکهاته‌ی گه‌وره‌ له‌ کۆمه‌ڵێک پێکهاته‌ی بچوک دروست بووه‌، هه‌ردوکیان کاریگه‌ریان له‌سه‌ر یه‌کتر هه...
avatar

هەڵاڵە رافع: ئیسلامییەکان لەبرەودان و سیکولارەکانیش لە پاشەکشێدان

بەپێی راوبۆچونی ئەکادیمیست و شارەزاکان چەند کۆڵەکەیەکی پڕ بایەخ و بنچینەیی هەن کە شوناسی تەواوی کۆمەڵگە لە م...
ئایا پێت وایه‌ که‌ ده‌بێت دین له‌ ده‌وڵه‌ت و یاسا جیا بکرێته‌وه؟
بەڵێ
نەخێر
بۆم گرینگ نیە
Contact RSS Facebook Youtube

ده‌رباره‌ی ئێمه‌

ستەم لە ژنان دیاردەیەکی زەق و ئاشکرای کوردستانە، ژنان لە سادەترین ماف و ئازادی خۆیان بێبەش کراون و ناڕەواترین و نائینسانی ترین ڕەفتاریان لە بەرانبەردا دەکرێت. ژنانی کوردستان لە دەرەوەی وڵاتیش قوربانی بەردەوامی ئەم ستەمەن، توندو تیژی لە بەرانبەر ژنان کە لە کوردستان دیاردەیەکی باوە لە دەرەوەی وڵاتیش لە ناو خێزانە کوردزمانەکان بە پلەی جیاواز ئەنجام دەدرێت. کەم نین ئەو خێزانانەی کە لێدان و ئەزیەتدانی جەستەیی، گوشارو ئازاردانی دەروونی ژنان تیایاندا دیاردەیەکی بەرچاوە.

توندو تیژی لە خێزاندا تەنها کاریگەریی لەسەر ژنان و کچۆڵان نییە، بەڵکو ئەم دیاردەیە بە پلەی جۆراوجۆر کاریگەریی جیاوازی لەسەر تەواوی ئەندامانی خێزان دەبێت، خێزانێک کە توندو تیژی تیایە کوانووی ئاگری شەڕە و پڕیشی بەر هەموو ئەنداما ن دەکەوێت.

ڕێکخراوی داکۆکی لە مافەکانی ژنان ئەم کێشەیەی بە هەند وەرگرتووە و دەیەوێت لە بواری چارەسەرکردنیدا ڕۆڵی هەبێت، هەوڵ دەدات هۆشیاری سەبارەت بەم کێشەیە پەرە پێ بدات و زانیاری پێویست بۆ هەموو ژنان و کچان و ئەندامانی خێزان کە ڕووبەڕووی توندو تیژی دەبنەوە فەراهەم دەکات، زانیاری وا کە بۆ چارەسەرکردنی کێشەکانیان و ڕزگاربوون لە دەست توندو تیژی کۆمەکیان پێ دەکات. ئێمە لە ڕێکخراوی داکۆکی لە ژنان خزمەتگوزاریەکانی خۆمان بۆ هەموو قوربانیانی توندوتیژی‌و هەموو خوزیارانی کۆمەک، بە بێ لەبەرچاوگرتنی جیاوازی نەتەوایەتی، ئاینی و ڕەگەزی پێشکەش دەکەین.

ڕێکخراوی داکۆکی لە مافەکانی ژنان IKKR رێکخراوەیەکی ئینسانی و پێشکەوتنخوازە، لەساڵی ١٩٩٤ وە لەسوید لەلایەن کۆمەڵێک لە ژنان و هەڵسوڕاوانی ناسراو و خاوەن ئەزمونی بزوتنەوەی یەکسانیخوازی ژنانەوە، دامەزراوە.

ڕێکخراو لە ئاستی گشتیدا لە پێناو یەکسانی هەمەلایەنەو بیئەملاو لای ژنان و پیاوان لەمافە فەردی و مەدەنیەکان و هەڵوەشاندنەوەی هەموو ئەو قانون و یاساو ڕێسایانەی لەگەڵ بنەمای یەکسانی ژن و پیاو ناکۆکن، هەوڵ دەدات.

هەروەها تێدەکۆشێت لەدژی کەلتور و یاسای پیاوسالارانەی دژی ژن لەسوید و لە کۆمەڵگای عێراق و کوردستاندا.

لەئاستی تایبەتیشدا هاوکاری و یارمەتی ڕاستەوخۆ پێشکەش بەهەموو ئەو ژنانە دەکات کە ڕوبەرووی توندوتیژی و زۆرو ستەم و ئازاردان و دەستدرێژی... دەبنەوە، بەبێ لەبەرچاوگرتنی دین، نەتەوە،تەمەن، رەگەز...تاد.

کاری ڕێکخراوەکەمان بێبەرابەرە، ڕێکخراو بەرپرسە لە پاراستنی هەموو زانیاری و نهێنییەک

ڕێکخراوی داکۆکی لەمافەکانی ژنان IKKRهەڵدەستێت بە:
١-دانی زانیاری پێویست لە زەمینەی کەلتور، یاساو کۆمەڵگای سوید بەژنانی پەنابەرو رەوەندی کوردی و پێدانی زانیاری سەبارەت بە مافەکانیان و چۆنیەتی دەست ڕاگەیشتنان بە زانیاری و تێکەڵبونیان لەگەڵ کۆمەڵگا.
٢-ئەنجامدانی کۆڕ وکۆبونەوە، سمینار، کۆنفرانس، سازدانی پانێڵ، راگەیاندنی رۆژنامەگەری، کاری پێکەوەیی لەگەڵ رێکخراوە پێشکەوتنخواز و ژنانەکان.
٣-سازدانی پرۆگرامی کەلتوی و سەرگەرمی و زانستی، دابینکردنی یارمەتی زمانەوانی کوردی، عەرەبی، فارسی، سویدی .
٤-گوێگرتن لە کێشەو گرفتی ژنان و هاوکاری و پیدانی رێنمایی پێویست لەلایەن کەسانی شارەزاوە. هەروەها ڕێکخستنی دیدار بۆ ئەوانەی تازە دەگەنە سوید.
٥-هاوکاری و کارئاسانی بۆ دابینکردنی پارێزەر، توێژەری کۆمەڵایەتی، دروستکردنی پەیوەندی لەگەڵ قوتابخانە، پۆلیس، نەخۆشخانە، سۆسیال، هەر دەزگایەکی تری پەیوەندیدار.
٦-هاوکاری کردن و ئامادەبوونمان لەکاتی سەردانی دەزگاکانی دەولەت و بەڕێوەبەرایەتی کۆچ و لایەنی پەیوەندیدار.
٧-دابینکردنی خانەی پارێزگاری لە شوێنی پاریزراو بۆ ئەو ژنانەی، هەرەشەیان لەسەرە، بە دابینکردنی شوێن بۆ مناڵەکانیشیان، لە ڕێگەی سەنتەری "نینا" وە شوێنی داڵدەدانی ژنان فەراهەم دەکرێ.

ڕێکخراوی داکۆکی لەمافەکانی ژنان IKKR
رێکخراوه‌که‌مان هه‌وڵ ده‌دات بۆ:
• نه‌هیشتنی نابه‌رابه‌ری له‌ وولاتی سوید و له‌سه‌ر ئاستی جیهانی و به‌تایبه‌تی عێراق.
• ئاشکراکردنی ئه‌و بنه‌ماجۆراوجۆرانه‌ی که‌ ئاکاری خراپیان له‌ سه‌ر ڕه‌وشی ژنان هه‌یه‌.
• به‌دیهینانی یه‌کسانی و نه‌هێشتنی توندوتیژی وابه‌سته‌ به‌ ناموسپه‌رستی.
• یارمه‌تیدانی ژنان له‌ ڕۆشن کردنه‌وه‌ی ئه‌رک و مافه‌کانیان له‌ کۆمه‌ڵگه‌ی تازه‌دا و ئاسانکاری شێوازی تێکه‌ڵ بوون به‌ کۆمه‌ڵگای تازه‌.
• هاوکاری و هه‌ماهه‌نگی له‌گه‌ڵ ڕێکخراوو تۆڕه‌ جیاجیاکانی ژنان بۆ گه‌یشتن به‌ ئامانجه‌کانی.

چۆن ده‌توانین کارا بین ؟
له‌ ریگه‌ی کردنه‌وه‌ی خولی زانستی کۆکردنه‌وه‌ی رای گشتی و وه‌گه‌رخستنی ده‌زگاکانی.
• پێسکه‌ش کردنی پشتیوانی و یارمه‌تی ده‌ست به‌جێ بۆ ئه‌و ژنانه‌ی که‌ پێویستیان پێیه‌.
• پێشکه‌ش کردنی ئامۆژگاری و دۆزینه‌وه‌ی رێو و شوێنی پێویست به‌ کێشه‌کانی ژنان به‌ هاوکاری ده‌زگا ده‌وله‌تیه‌کانی (کۆمه‌لایه‌تی،پارێزه‌ر،قوتابخانه‌ ، پۆلیس )ده‌رباره‌ی کێشه‌کانی ژنان و دۆزینه‌وه‌ی ڕێگاچاره‌ی پێویست بۆیان.
• کارکردن له‌ پرۆژه‌ی هاوبه‌ش له‌گه‌ڵ ده‌زگا ده‌وڵه‌تی و ڕێکخراوه‌ مرۆیی و خێزانه‌کان بۆ تۆژینه‌وه‌ له‌ کێشه‌کانی ژنان و دۆزینه‌وه‌ی ڕێگه‌ چاره‌ی پێویست بۆیان .
• له‌ ڕێگای ماڵی نیناوه‌ پارێزگاری له‌ ژیانت ده‌که‌ین.

ئه‌گه‌ر ئاره‌زوی ژیانیکی خیزانی ئاسوده‌و کۆمه‌لگایه‌کی یه‌کسان ئاواتته‌ !!!
• چالاک به‌ له‌ ژیانی کۆمه‌لایه‌تیو ئابوری خۆتدا!
• بیده‌نگ مه‌به‌ له‌ که‌موکوڕیه‌کانی ژیانی رۆژانه‌ت دژ به‌ توندو تیژی و هه‌لاواردنی ژنان بوه‌سته‌وه‌ چ له‌ خێزان چ له‌ شوێنی کارکردن!
• ئه‌گه‌ر ده‌ته‌وێت روبه‌روی توندو تیژی هه‌لاواردنی ڕه‌گه‌زی هه‌لسوکه‌وتی نامرۆڤانه‌و یاسا نابه‌رانبه‌ره‌کان دژ به‌ ژنان بیته‌وه‌ په‌یوه‌ست به‌ به‌ ریزه‌کانمانه‌وه‌ له‌ :
کۆمیته‌ی داکۆکی له‌ مافه‌کانی ژنان -عیراق

ناونیشانی پۆستی
IKKR
Box : 199, 177 24, Järfälla

ناونیشانی سەردان
Frihetsvägen 45, Jakobsberg

پۆستی ئەلیکترۆنی
nina.ikkr@hotmail.com, ikkr_kvinnor@yahoo.com
Hemsida: www.ikkr.org

بابه‌ت و کەیسی سەنتەر
avatar

ئاماری حاڵه‌ته‌کانی کێشه‌ی کۆمه‌ڵایه‌تی و توندووتیژی که‌ روویانکردوه‌ته‌ سه‌نته‌ری نینا له‌ ساڵی 2016!

ئه‌رشیفی ئاماره‌کانی بەشی ڕاوێژکاری و ڕێنوێنی کێشە کۆمەڵایەتیەکان لە سەنتەری نینا 124 حاله‌تی له‌ ساڵی 2016 د...
avatar

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا‌

ئامار و ڕاپۆرتی که‌یسەکانی سه‌نته‌ری نینا له‌ ساڵی 2015 دا

ئاماره‌کان ده‌توانن په‌یامێکمان ده‌رباره‌...
avatar

ئاماری ساڵی 2014 ی ئه‌و که‌یسانه‌که‌ ڕویان له‌ سه‌نته‌ری نینا کردووه‌!

ئه‌و که‌یسانه‌ی‌ ڕویانکردووه‌ته‌ سه‌نته‌ری نینا و تۆمارکراون ‌ 113 که‌یسی جۆراوجۆر‌ له‌ ته‌مه‌نی 18- 65 ...
avatar

هێندە ترسی لەباوکی هەیە نەیتوانیوەبپرسێت بۆچی دایکی کوشتووە

قوربانیه‌كانی‌ كوشتن به‌ناوی‌ شه‌ره‌فپارێزییه‌وه‌ هه‌ر ئه‌وانه‌ نین كه‌ گیان له‌ده‌ستده‌ده‌ن، به...
ikkr.org © 2017 | Start| Designed by www.helanet.se