کۆبونه‌وه‌ی سه‌نته‌ری نینا و شه‌ڵته‌ری گۆتلاند له‌گه‌ڵ پسپۆڕی سیاسی وه‌زاره‌تی کاروباری کۆمه‌ڵایه‌تی و بواری یه‌کسانی له‌ سوید!

سه‌نته‌ری نینا به‌هاوبه‌ش له‌گه‌ڵ شه‌ڵته‌ری ژنانی گۆتلاند و پارێزه‌ر ڕێبێکا لاگ نامه‌یه‌کیان ئاڕاسته‌ی وه‌زاره‌تی کاروباری کۆمه‌ڵایه‌تی و وه‌زیری یه‌کسانی بۆ چاکسازی و به‌ره‌وپێشخستنی کاروباری شه‌ڵته‌ره‌کانی ژنان له‌ سوید کردبوو.

سه‌ره‌نجام کۆبوونه‌وه‌یه‌ک له‌ نێوان وه‌زاره‌تی کاروباری کۆمه‌ڵایه‌تی و سه‌نته‌ری نینا بۆ گفتوگۆکردن سه‌باره‌ت به‌ ناوه‌ڕۆک و پێشنیازه‌کان که‌ له‌ نامه‌که‌دا ئاراسته‌ی وه‌زاره‌ت کرابوو سازکرا.

پسپۆڕی سیاسی وه‌زاره‌تی کاروباری کۆمه‌ڵایه‌تی و یه‌کسانی بێریت یێرنبێری Berit Järnberg ، له‌ کۆبوونه‌وه‌که‌دا له‌گه‌ڵ هه‌ڵاله‌ ڕافع Halala Rafi به‌رپرسی سه‌نته‌ری نینا، لی گرێبێک Li Grebäck به‌رپرسی شه‌ڵته‌ری گۆتلاند، پارێزه‌ر ڕێبێکا لاگ Rebecca Lagh، پێشنیازی نامه‌که‌ی به‌ هه‌نگاوێکی باش بۆ به‌ره‌وپێشبردنی کاروبار و دۆخی شه‌ڵته‌ره‌کان ناساند و سه‌باره‌ت به‌ خاله‌ پیشنیازکراوه‌کان گفتوگۆکرا.


پێشنیازه‌کان پێک هاتبوون له‌ دوو خاڵی سه‌ره‌کی که‌ گرفتی سه‌ره‌کی له‌به‌روپێشبردنی کاری شه‌ڵته‌ره‌کاندا دروستکردووه‌ و کاریگه‌ریی له‌سه‌ر ڕه‌وتی به‌روه‌پێشچونی داناوه‌.
له‌لایه‌ک ده‌بێته‌ هۆی که‌مته‌رخه‌می له‌ به‌هاناوه‌چوونی ڕوبه‌ڕوبووانی توندوتیژی به‌شێوه‌یه‌کی گشتی، له‌لایه‌کی تر کاریگه‌رییه‌ نه‌رێنیه‌کانی له‌سه‌ر به‌رنامه‌و سیاسه‌تی یه‌کسانی نێوان ژنان و پیاو له‌ سوید لە درێژماوه‌دا داده‌نێت.

له‌ کۆتاییدا قسه‌ له‌سه‌ر ئه‌وه‌ کرا که‌ پێشنیازه‌کان له‌لایه‌ن بێریته‌وه‌ ده‌خرێته‌ به‌رده‌م وه‌زیری یه‌کسانی ئۆسا ڕێگنێر Åsa Regner بۆ گفتوگۆکردن و به‌دواداچوون، وه‌ په‌یوه‌ندییه‌کان به‌رده‌وام ده‌بێت به‌ئامانجی به‌ره‌وپێشبردنی کاری شه‌ڵته‌رو ده‌زگا په‌یوه‌ندیداره‌کان به‌ پرسی یه‌کسانیه‌وه‌.


سه‌نته‌ری نینا
2017-11-16



nina-wazarat-2.jpg
Halala Rafi, Rebecca Lagh, Li Grebäck

nina-wazarat-3.jpg
Berit Järnberg