سینەمای سەرشەقام لە گۆتلاند بوێرە ببینی بوێرە ببیستی! Mini Bio Våga se, våga lyssna!

سەنتەری نینا بە هاوکاری شەڵتەری یاخی لە گۆتلاند (Trots kvinnojour på Gotland ) لە ناو قەرەباڵغترین شەقامی شاری Visby ڕۆژەکانی ئەلمێداڵن لە ١ – ٨/ ٧ کابینەیەکی سینەمایان دامەزراند، کە لەسەر کابینەکە نوسرابوو، بوێرە ببیستی، بوێرە ببینی!

لە کابینەکەدا لە سێ لاوە کورتە فیلمی تایبەتی نەک هۆڵیودی، تیا پێشکەش دەکرا و بەردەوام لە ماوەی ١٠ ڕۆژدا کاری دەکرد.
سەنتەری نینا بە کورتە فیلمی "وا لە خوشکەکەم مەکە" بەشدار بوو، كە بە بەردەوام ڕۆژانە لێدەدراو بینەری هەبوو.

ئەزموونی دانانی سینەمای سەرشەقام ئەزموونێکی زۆر بەسوود بوو، جگە لەوەی کە کارێکی زۆری پێویست نەبوو.

گەر بمانەوێ کارەکانمان بە بەرفراوانی بکەونە بەردەست زۆرترین بینەرو بیسەر دەکرێت لەمجۆرە چالاکیانە زۆرتر بکەین.

كورته فيلمى وا لە خوشکەکەم مەکە!
https://www.youtube.com/watch?v=u6esiTpHUIU

فیلمەکە لە یەکێک لە باشترینەکانی فێستیڤاڵەکە مەزەندە کراو، کاریگەریەکی زۆری لای ئامادەبووان بەجێهێشت.
ناوەڕۆکی فیلمەکه‌ یه‌کێک له‌ دیارده‌و کێشه‌‌ کۆمه‌ڵایه‌تیه‌کان که‌ ڕوبەڕوی گەنجان دەبێتەوە له‌ وڵاتانی رۆژهه‌ڵاتی ناوه‌راست و لە نێوان ئەوانەشدا کە ڕویان لە هەندەران کردووە دەخاتە ڕوو .

ڕووداوەکانی دەربارەی نه‌بوونی ماف و ئازدی بۆ گەنجان و به‌تایبه‌ت کچان، سه‌باره‌ت به‌ هه‌ڵبژاردنی ژیان و ئازادیەکانی تری تاک‌، چۆنیه‌تی به‌کارهێنانی ته‌کنه‌لۆجیا.
بابەتێکی تری فیلمەکە هۆکارو ده‌ست نه‌گه‌یشتن به‌ کۆمه‌کی ده‌زگا کۆمه‌ڵایه‌تیه‌کان، مامه‌ڵه‌ی نادروستی خێزانه‌کان و فشاری کۆمه‌ڵایه‌تی له‌به‌رامبه‌ر کێشه‌که‌دا دەبێتە هۆی ڕوودانی چ کارەساتێک.

ئه‌م فیلمه‌ ده‌توانرێ وه‌ک که‌‌ره‌سه‌یه‌ک به‌کاربهێنرێ بۆ خولی تایبەتی په‌روه‌رده‌ و هوشیارکردنه‌وه‌ی کۆمه‌ڵایه‌تی، بۆ خێزان و قوتابخانه‌و ده‌زگا په‌یوه‌ندیداره‌کان‌.
له‌ رێگای ئه‌م کورته‌ فیلمه‌وه‌ ده‌کرێ تیشک بخرێته‌ سه‌ر کۆمه‌ڵێک گرفتی کۆمەڵایەتی و ده‌رئه‌نجامه‌ تراژیدیيه‌کانی و ڕێگاچارەکان.

فیلمەکە لەوڵاتی سوید و نه‌رویج به‌ سپۆنسه‌ری سه‌نته‌ری نینا بەرهەمهێنراوە.

سیناریۆ و ده‌رهێنان: پێشه‌وا هه‌له‌بجه‌یی، سه‌رکاو گۆرانی
وێنه‌گر: هێرش لێوژه‌یی
ئه‌کته‌ره‌کان: شێنه‌ عه‌زیز، شاده‌ عومه‌ر، مه‌ریوان که‌مال
هاوکار و مۆنتاژو موزیک: سه‌هه‌ند شه‌ماڵ
تێکست: سەهەند شەماڵ

هه‌ر که‌س یان هەر رێکخراوێک ده‌یه‌وێ ئه‌م فیلمه‌ بۆ کاروچالاکیه‌کانی خۆی به‌کاربێنێ، تکایه‌ په‌یوه‌ندی به‌م ئيميل و ژمارە تەلەفونەوە بکەن:

nina.ikkr@hotmail.com
0046 (0)739084190


سەنتەری نینا
2017-07-19

almadaln-2017-sinamay-sar-shakam.jpg

almadaln-2017-korte-film.jpg